2 TAWARIKH 9:16 - KITAB NU TUMPU ALLA LELE MA'IMAI'

¹⁶ Ia mule' nombaumo 300 na kanta mosoni' anu lebe ise'. Mosoni' anu pinake hi toto sa'angu' na kanta ise-ise' aijo' kila-kila 3 na kilogram, iwi-iwi' mosoni' na tinutuk. Kanta haha aijo' pino'una'nyo i sa'angu' na tampat anu osanggohi Balai Alas Libanon.

2 TAWARIKH 9:16 ပူးပေါင်းရင်းမြစ်များ

1 TOMU-TOMUNDO' 14:26

Iwi-iwi' na pakakas anu mahan na olinyo i uno nu Laigan nu Tumpu tiba i laigan nu tomundo' ka' mule' to kanta-kanta anu mosoni' na pinoki bau i Salomo pinahuhuakonnyomo.

1 TOMU-TOMUNDO' 7:2

I laigan nu tomundo' aijo' binauan mule' i Salomo sa'angu' na laigan anu ewa hondo anu osa-osanggohi, “Laigan Alas nu Libanon”. Kodaka'nyo: 44 meten, na komantannyo ka' ko bolanyo 22 meten, ka' ko tangkasnyo 13,5 meten. Laigan aijo' totolu' na ohi'nyo pinojiji' te kau' lontio' nu Libanon na binau; toto sanjiji' sampulu' ka' olima' na ohi'nyo ka' aita' i buannyo kinaso'an nu kau' lontio' Libanon. Palaponnyo suele kau' aijo' na binau, ka' pinaha pokona da kaso'nyo aijo' boli kantoan.

2 TAWARIKH 12:9

Sahingga tinokamo na i Tomundo Sisak nontumbuhi kota Yerusalem ka' nompahuhuakonmo to bala-balang anu mahan na olinyo anu kiijo' i Laigan nu Tumpu ka' anu kiijo' i laigan nu tomundo, ka' suele iwi-iwi' na kanta mosoni' anu binau i Tomundo Salomo.

2 TAWARIKH 9:15

I Salomo nombaumo kanta daka' mosoni' na tinutuk 200 na kilogram na konjoo'nyo. Mosoni' anu pinake binau kanta toto sa'angu' kila-kila 7 na kilogram.

2 TAWARIKH 9:17

I Tomundo mule' nombaumo sa'angu' na kadela nu kalaja'an anu daka', sae nu gaja na binau ka' binuga-bungaan nu mosoni' anu madi' ko galo'nyo.