2 TAWARIKH 9:11 - KITAB NU TUMPU ALLA LELE MA'IMAI'

¹¹ Kau' aijo' binaumo i Salomo ojan i Laigan nu Tumpu ka' i laigan nu tomundo anu bau kajojoongannyo, ka' mule' obau kasapi ka' gambus anu o kuti' nu to mia-mian manyanyi. Ma'isa toho' ko anu sumo aijo' i lipu' Yehuda.)

2 TAWARIKH 9:11 ပူးပေါင်းရင်းမြစ်များ

1 TOMU-TOMUNDO' 10:12

Kau' aijo' binau i Salomo talali anu opake i Laigan nu Tumpu ka' i laigan nu tomundo'; ka' suele obau kasapi ka' gambus da o kuti' nu to mia-mian anu manyanyi. Kau' haha aijo' aijo'mo kau' sondana anu ma'ima' hondo, anu u'utu mae toho'mo binoa i Israel; madi'mo daagi' toho' mian nontoa kau' anu sumo aijo' na ko ima'nyo.)

1 TAWARIKH 23:5

4.000 na mian binee'an kalaja monjaga, ka' 4.000 na mian mule' mompuji' Tumpu mompake pakakas musik anu pinotoukamo.

1 TAWARIKH 25:1

Anu mongatun de monsombahmo Tumpu, i Tomundo' Daud ka' to pola-polaya' nu aha mian nu Lewi nompile'imo sa'anakan mae i Lewi aijo'mo: i Asaf, i Heman, tiba i Yedutun. Aha binee'an kalaja mompotoka potuunon nu Tumpu Allah ka' okuti'akon kasapi', gambus ka' simbal. Anu molaya' aha de monsombahmo Tumpu ka' mosia na atulannyo toto sangahan pinile'anmo ka' tinompu-tompukmo na mian sumo uuka:

2 TAWARIKH 2:8

Ku sumbu' to mia-mian anu lewa' monta' kau' i lipu' nu Belento Tuan pande na monta' Kau'. Kalana aitu de timbali belento Tuan mompakatui mae aku ngangahan nu kau' lontio' ka' kau' sondana nu Libanon. Ku saije na mianku montulungi to mia-mian nu Belento Tuan,

2 TAWARIKH 9:10

Mian anu sinai mae i Tomundo Hiram ka' mian anu sinai mae i Tomundo Salomo nomboa mae mosoni' i Salomo lengkat i Ofir, suele nomboamo mae batu mainan ka' kau' sondana.

2 TAWARIKH 9:12

Misa' ola palasen susumo anu biasanyo nu bee' i Salomo salaku bau pombalosi, panyo i Salomo suele ahi' nombee'imo i tomundo boune nu lipu' Syeba aijo' iwi-iwi' na anu pinoitanyomo. Lapas aijo' ninsusule'mo na tomundo boune aijo' i lipu'nyo tiba aha iwi-iwi na anu nonsangaluimo mae.

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.