2 TAWARIKH 9:1 - KITAB NU TUMPU ALLA LELE MA'IMAI'

¹ Tomundo boune i lipu' Syeba nohongomo mae lele i Salomo anu tinalasanggomo. Sahingga ia nambamo mae i Yerusalem kahanda' monsobai i Salomo, ia nompokilawa han anu toto maha-mahan. Ia tinoka mae sinangaluan mae nu mian nanjoo' hondo, ka' unta anu pinaha posake'an mae manjoo' hondo na to lampa-lampa, batu mainan, ka' suele mosoni' manjoo' hondo. Salatan siningkabotmo tiba i Salomo, tomundo boune aijo' lewa'mo nompokilawa nga-ngahan nu han anu lewa'mo pinotutugakonnyo.

2 TAWARIKH 9:1 ပူးပေါင်းရင်းမြစ်များ

KAJADIAN 10:28

i Obal, i Abimael, i Seba,

KAJADIAN 10:7

Lee' i Kus aijo'mo anu jojoong i Seba, Hawila, Sabta, Raema ka' Sabtekha. Lee' i Raema aijo'mo anu jojoong i Seba ka' Dedan.

KAJADIAN 25:3

I Yoksan tuuma i Syeba tiba i Dedan, ka' lee' i Dedan aijo'mo mian nu Asyur, mian nu Letus ka' mian nu Leum.

1 TOMU-TOMUNDO' 4:31

Ia totu-totu'u pande hondo molingkudui mian iwi-iwi'. Ia molingkudui i Etan mian nu Ezrahi, i Heman, i Kalkon ka' Darta to ana-anak i Mahol. Sanggo i Salomo tinalasanggomo iyaya mae na to lipu-lipu' anu montikubi kalaja'annyo.

2 TAWARIKH 1:1

I Salomo anak mo'ane i Tomundo Daud tinimbalimo tomundo anu mahoson hondo na kakuasa'annyo i kalaja'an Israel. Tumpu Allah nombalakatimo ia ka' nompohosonmo hondo kakuasa'annyo.

2 TAWARIKH 1:12

Kalana aijo' kapandean ka' ilimu' Ku bee'mo hi beleyum. Ka' mule' Ku potimbalimo na beleyum da mompaka bilahi mule' ka' mompaka kaya mule', ka' mompaka talasanggo mule' molingkudui to tomu-tomundo maumo pa' iyaya mae, maumo anu i hikuhakonmo, kabai anu tokaje aiya mae i ahop.”

2 TAWARIKH 9:2

Iwi-iwi' na anu pinokilawanyo aijo' tinaaman i Salomo, maumo ola sa'angu' madi' ko anu i nahan hi ia.

2 TAWARIKH 9:9

Lapas aijo' tomundo boune nu lipu' Syeba aijo' nombee'mo hi Salomo palasen mosoni' anu binoanyo mae molabi 400 na kilogram na mosoni', ka' mule' batu mainan ka' to lampa-lampa manjoo' hondo. Madi'mo toho' i Salomo nohumpak to lampa-lampa anu sumo aijo' na ko'ima'nyo susumo anu binee'mo i tomundo boune nu lipu' Syeba aijo', hi ia. (

MAZMUR 142:2

Dinaka-daka'ankumo hondo na nongkakase hi Tumpu; pinantilan hondo na aku nongkakase da Nu tulungi mae.

MAZMUR 49:4

Ku taeakonmo na potatae nu pikilan anu pande, pikilanku maleeng hondo.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

MAZMUR 72:15

Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

MAZMUR 78:2

Aku montaeakonmo sa'angu' na ibalat ka' kantuang, ka' mompoto'imo alati'nyo nu tangki-tangki'on tempo'nyo naipuan mae,

AMSAL 1:6

Tiba jalan anu sumo aijo' aha moko alamo mompangalati'i apaa na anu ma'isa sinumbu' i uno nu pokinde' ka' mule' mompangalati'imo hahan anu tinaloakonmo nu mian anu pande ka' mule' palakala anu nu posampe mae nu aha.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 12:42

I Sinaa Kiamat, tomundo boune lengkat mae i tano' sasu Salatan, saidi' mae po'ule' tumuu' tiba to mia-mian tempo' uuka aiya ka' montutuk aha. Kalana da mohongo pangajalan i Salomo anu pande, tomundo boune aijo' nambamo itano' anu majo'on hondo lengkat i puus nu tano'. Panyo i aiya tempo' uuka daagi' ko anu daka' molingkudui Salomo!”

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 13:35

Salatan sumo aijo' tinimbalimo na anu tinaloakon nu nabi, “Aku mompake kantuang de motatae tiba aha: Aku mompoto'ije hahan anu sulu-suluk daagi' pe'e u'utu mae jinadi na dunia aiya.”

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

LUKAS 11:31

I sinaa kakiamatan, Tomundo boune nu lipu' Salatan tootinjomo tiba to mia-mian tempo' uuka, ka' mompisala'i aha. Kalana mohongo pokinde-pokinde' i Salomo anu pande. Tomundo boune aijo' nombau lumambanan anu majo'on hondo lengkat mae i puus nu tano'. Panyo uuka aiya daagi' ko anu lebe daka' molingkudui Salomo!

1 SAMUEL 1:15

Panyo tinaman i Hana, “Aku madi' malangu, kita Tuumangku, aku madi' hondo-hondo nonginum anggur! Madi'mo ko anu kutaha imani, ka' hau-haunyo aku balado'a aku monsisik kasansala'anku hi Tumpu.