2 TAWARIKH 8:7 - KITAB NU TUMPU ALLA LELE MA'IMAI'

^7-8 Iwi-iwi' na lee' mae nu aha bansa Kana'an anu madi' pinoko ala pinatean ingko-ingkot nu mian Israel tempo'nya aha nonjojoongimo lipu' aijo' ingatunmo i Salomo mombau pakalajaa'an ka' opakisa. Aha mian nu Het, Amori, Feris, Hewi ka' Yebus. Sampe tempo' uuka aiya lee' mae nu aha daagi' saja' binau posaihon.

2 TAWARIKH 8:7 ပူးပေါင်းရင်းမြစ်များ

KAJADIAN 13:7

Lantas pinainggagamo na to pola-polaya' potu'on i Abram ka' to pola-polaya' potu'on i Lot. (Tempo'nyo aitu mian nu Kana'an ka' mian nu Feris daagi' monjoongi tano' aijo'.)

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

2 TAWARIKH 8:6

Ka' suele kota' Baalat po'ule'mo binau ka' iwi-iwi' na kota' anu bau pompo'una'an anu o kaan, ka' mule' iwi-iwi' na kota bau pompo'una'an kareta ka' ajahan anu mohela', anu opake mahampate. Iwi-iwi' na anu pinopikilakonnyomo obau i Yerusalem, Libanon ka' songko-songko na da'erah kakuasa'annyo binaunyomo.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.