2 TAWARIKH 8:18 - KITAB NU TUMPU ALLA LELE MA'IMAI'

¹⁸ I Tomundo Hiram nompalentahmo da oboa na to kapa-kapan anu pinojalan nu posi mian i Hiram tiba to mia-mian sangga'at anu pandemo na mokalaja i kapan. Aha tinalabutmo namba i Lipu' Ofir tiba to mia-mian i Salomo ka' nongalamo kiijo' mae mosoni' 15.000 na kilogram, lantas binoamo mae nu aha hi Salomo.

2 TAWARIKH 8:18 ပူးပေါင်းရင်းမြစ်များ

1 TOMU-TOMUNDO' 10:22

I Salomo ko kapan anu toto daka-daka' anu talabut hingga-hinggat tiba to kapa-kapan nu Tomundo' Hiram. Totolu' na taun ola minsan nakapan haha aijo' minsusule' mae momboa mae mosoni', sae nu gaja, balan ka' tomonsi' merak.

2 TAWARIKH 9:10

Mian anu sinai mae i Tomundo Hiram ka' mian anu sinai mae i Tomundo Salomo nomboa mae mosoni' i Salomo lengkat i Ofir, suele nomboamo mae batu mainan ka' kau' sondana.

2 TAWARIKH 9:13

Sataun toka sataun i Tomundo Salomo mohumpak mosoni' mongohani 23.000 na kilogram,

2 TAWARIKH 9:21

Manjoo' na kapan i Salomo anu toto daka-daka' talabut i ndalangon anu ewa hondo hingga-hinggat tiba to kapa-kapan i Tomundo Hiram. Toto totolu' na taun minsan mae na kapan haha aijo' minsusule' mae momboa mosoni', salaka, sae nu gaja, balan ka' tomonsi' merak.

ANU MOMPOLELE POTATAE NU TUMPU 2:8

Ingalangkumo na salaka tiba mosoni' hasin anu ingala hi to tomu-tomundo' lengkat mae hi lipu-lipu' anu ku palentah. Anu togu manyanyi mo'ane kabai boune nomposanangmo kinyonyoangku nu nyanyian-nyanyian nu aha. Konjoo'nyo nu to amba-amba hue'ku yayamo na anu ku ka'ima'i.