2 TAWARIKH 8:15 - KITAB NU TUMPU ALLA LELE MA'IMAI'

¹⁵ Iwi-iwi' na anu pinoto'imo i Daud hi to ima-imam ka' hi mian nu aha Lewi mongkona iwi-iwi' na gudang ka' sansangga'atannyo tinulutannyomo ima-ima'.

2 TAWARIKH 8:15 ပူးပေါင်းရင်းမြစ်များ

1 TOMU-TOMUNDO' 7:51

Salatan i Tomundo' Salomo noko potimbalimo Laigan nu Tumpu, pinaha po'una'nyomo i uno nu gudang nu Laigan aijo', iwi-iwi' na salaka', mosoni' ka' to paka-pakakas sangga'at apaa na anu sinombahkonmo i Daud tuumanyo, hi Tumpu.

1 TAWARIKH 9:29

Sambahagian mule' mompangakui mongulus balang sangga'at anu opake monsombah Tumpu, ka' labu, anggur, lanya' nu zaitun, kamangian, ka' lampa-lampa.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

2 TAWARIKH 8:16

Jadi iwi-iwi' tinimbalimo na kalaja anu pinopikilakonnyomo i Salomo. Iwi-iwi' na kalaja, lengkat pe'e nomposadia mesen pompotinjoan laigan, sahingga Laigan nu Tumpu tinimbalimo binaumo ma'i-ma'ima'.