2 TAWARIKH 7:9 - KITAB NU TUMPU ALLA LELE MA'IMAI'

⁹ Pinitun sinaa na aha jinojoong nolame'akon mezbah nu Tumpu pininsasawe'an, lapas aijo' pinintun sinaa mule' na nolame'akon Lamean Tahop oatopi nu Hon nu kau'. I Sinaa kinamingkotannyomo binaumo na lamean anu pinontuduinyomo,

2 TAWARIKH 7:9 ပူးပေါင်းရင်းမြစ်များ

1 TOMU-TOMUNDO' 8:2

Sahingga tinokamo na aha iwi-iwi' i Sina nu Lamean tempo'nyo aitu nombaumo Tahop atopnyo hon nu kau' i bitu'on Etanim.

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

2 TAWARIKH 30:23

aha iwi-iwi' nosangaja'mo da lamean aijo' daagi' po'ule' otuangi pitunsinaa. Lantas po'ule' mule' aha nolame'akon i lame hondo.

2 TAWARIKH 7:10

ka' dodo-dodopnyo, i tanggal bitu'on anu ko popitu'nyomo pinokaumo i Salomo na mian haha aijo' da minsusule'mo. Aha i lame'mo hondo kalana iwi-iwi' apaa na anu ma'ima' binaumo nu Tumpu hi bansa Israel mian anu pinalesayamo hi Ia, hi Daud ka' hi Salomo.

NEHEMIA 8:18

Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NOSABATMO 29:37

Bau na aijo' sansina-sinaa pitun sinaa na kopinnyo. Sahingga mezbah aijo' timbalimo susi'; maumo pa' apaa na anu jinadimo bahagian nu mezbah aijo' tionyo ahi' obee'mo hi Tumpu, ka' maumo ihe na soo' mompadis, mohumpak bahaya kalana mahoson hondo na kasusi'annyo.”

YOËL 1:14

Palentah na mian nu belemiu da bapuasa'mo, bebakonmo na tempo'nyo nu kasihukan nu mian iwi-iwi'. Laga mae na to pola-polaya' ka' to tu'a-tu'anyo ka' iwi-iwi' na mian anu jojoong i Yehuda, da toka mae i Laigan nu Tumpu da momoita tulung hi Ia.

NOMBILANGMO 7:10

To pola-polaya' nomboamo palasombahan bau polame'akon salaku atulannyo mombalakati mezbah. Salatan aha noko posadiamo anu oboa nu aha i ahop nu mezbah,

PO'ULE' INGULIT 16:8

Daagi' anon sinaa na kopinnyo na belemiu tionyo ahi' mongkaan roti anu madi' ko raginyo. I sinaa ko ipitunnyo belemiu sihukmo da monsombahmo Tumpu Allah nu belemiu. Boli mombau apa-apaa i sinaa aijo'.”