2 TAWARIKH 7:7 - KITAB NU TUMPU ALLA LELE MA'IMAI'

⁷ Lantas popasan bahagian totonga'nyo anu sasu ahop nu laigan ponsomban Tumpu aijo' binee'mo i Salomo hi Tumpu. Lapas aijo' ia nonsombahkonmo kiijo' koloban anu opotunu, koloban gandum ka' lompo' nu binatang anu bau koloban pompodame. Iwi-iwi' aijo' sinombahkonnyomo kiijo' kalana mezbah tambaga anu binaunyomo talalo ise' de iwi-iwi' aijo' osain sombah-sombahkonmo kiijo'.

2 TAWARIKH 7:7 ပူးပေါင်းရင်းမြစ်များ

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

2 TAWARIKH 4:1

I Tomundo Salomo nombaumo sa'angu' na mezbah tambaga komantannyo ka' ko bolanyo pokakana 9 na meten ka' ko tangkasnyo 4,5 na meten.

NOMBILANGMO 29:39

Aijo'mo na to atu-atulan nu koloban anu opotunu, koloban kaanon, koloban anggur, tiba koloban pompodame anu tionyo ahi' osombahkon nu belemiu hi Tumpu iuno nu lamean nu belemiu haha aijo' anu tinantukanmo. Koloban haha aijo' salaku bau pontuangi iwi-iwi' na koloban anu osombahkon nu belemiu bau pombayali apaa na anu jinanji'mo kabai koloban kasanangan nu kinyonyoa.