2 TAWARIKH 7:22 - KITAB NU TUMPU ALLA LELE MA'IMAI'

²² Lantas nu taamimo nu mian, ‘Kalana aha nohikumo Tumpu, Tumpu Allah nu aha, anu nolaya'mo mae mompolee' nu aha nosabat lengkat mae i Mesir. Aha nonsombahmo ka' nojanji'mo da tulu-tulutanmo hi to pilo-pilogot sangga'at. Mokonyo aijo' Tumpu nompotokamo mae balaa' susumo aiya hi aha.’ ”

2 TAWARIKH 7:22 ပူးပေါင်းရင်းမြစ်များ

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

YEREMIA 1:16

Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 16:11

Poto'i hi aha Aku notatae sumo uuka, ‘Mompolee' nu belemiu nompala'imo Aku da monsombahmo ka' palesayamo hi pilogot sangga'at. Aha nonteemo Aku ka' madi'mo nongka'oho' nontuluti sinin na atulan-Ku.

YEREMIA 22:5

Panyo de belemiu madi' ahi' montuluti sinin na palentah-ngKu, saba' Ku sumpa'mo na laigan nu tomundo' aiya da hansunmo. Aku, Tumpu notataemo.

YEHEZKIEL 14:23

Lantas belemiu mangalati'je taalu' iwi-iwi' na anu pinohukum-Kumo aijo' ko sababnyo ahi'. Aku Tumpu Anu Matangkas na Kuasanyo notataemo.”

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.