2 TAWARIKH 7:17 - KITAB NU TUMPU ALLA LELE MA'IMAI'

¹⁷ De beleyum sumo i Daud tuuma nu beleyum, tumuu' mombatuki pongka'oho'-Ku ka' tulu-tulutan hi to atu-atulan-Ku ka' mule' saja' mombau anu Ku palentahkon iwi-iwi' hi beleyum,

2 TAWARIKH 7:17 ပူးပေါင်းရင်းမြစ်များ

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TOMU-TOMUNDO' 8:25

Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 6:16

Belento nojanji'mo hi tuumangku tukoonto, de lee'nyo totu-totu'u tulu-tulutan hi atulan nu Belento sumo ia, saba' sampe toka sidu-sidutu', samian na lee'nyo mae mompalentahje salaku tomundo i Israel. Uuka aiya, o Tumpu Allah Israel, ganapimo mae iwi-iwi' apaa na anu jinanji'mo nu belento hi tuumangku i Daud, posaihon nu belento aijo'.

2 TAWARIKH 7:16

Iwi-iwi' aijo' tionyo ahi ku bau kalana tampat aiya pinile'an-Kumo ka' tinantukan-Kumo bau samata-mata timbali tampat ponsomban Aku sampe toka sidu-sidutu'. Aku sabole-bole mompalahatikan ka' monjagai sampe toka sidu-sidutu'.

2 TAWARIKH 7:18

saba' Aku mongganapimo apaa na anu jinanji'-Kumo hi tuuma nu beleyum i Daud, aijo'mo tionyo ahi saja' ko lee'nyo samian na anu o hangkat timbali tomundo' nu Israel.

MAZMUR 105:45

da mian anu palesayamo hi Ia aijo', tulu-tulutan hi atulan-Nyo iwi-iwi', ka' montulutimo iwi-iwi' na palentah-Nyo. O puji' na Tumpu!

MAZMUR 119:5

O' amalakon da kinyonyoangku mahoson na montuluti atulan nu Belento iwi-iwi'.

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

ZAKHARIA 3:7

“De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”