2 TAWARIKH 7:13 - KITAB NU TUMPU ALLA LELE MA'IMAI'

¹³ De madi' Ku tudunakon na ujan kabai monsai mae kihi-kihi' da mongingkoti isi nu ale' kabai mompotoka mae panyakit anu molele hi mian anu pinalesayamo hi belengku,

2 TAWARIKH 7:13 ပူးပေါင်းရင်းမြစ်များ

AYUB 11:10

De Nuhakop na beleyum ka' Nuboa i tampat pomputusian-Nyo palakala, saba' ihemo ahi' na baani montewa' apaa na anu kahanda'mo Nu bau?

AYUB 12:14

Apaa na anu Nu tatakimo madi'mo daagi' opoko ala obau, ihe na anu i hakop-Nyomo madi'mo po'ule' opolapas.

MAZMUR 105:34

Kalana pinalentah-Nyomo sahingga tinokamo mae na kihi-kihi', manjoo' hondo madi' opoko bilang na konjoo'nyo.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

NOMBILANGMO 14:12

Ku silakaimo na aha nu panyakit anu molele! Panyo beleyum Ku potimbalimo Tuuma nu sa'angu' na bansa anu lebe daka' ka' lebe mahoson molingkudui aha!”

LUKAS 4:25

Panyo hongo: Tempo'nyo i Elia, tempo'nyo aitu madi' tinudun na ujan totolu' mintonga' na taun na kopinnyo, jinadimo na kapo'ohopan anu daka' i songko-songko na lipu'. Tempo'nyo aijo' manjoo' na to balu-balu i Israel.

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.