2 TAWARIKH 7:12 - KITAB NU TUMPU ALLA LELE MA'IMAI'

¹² Tumpu po'ule' mule' nanintoa hi ia pihi-pihi. Tumpu notataemo hi ia, “Do'a nu beleyum i hongongkumo ka' Ku alamo na laigan aiya salaku tampat anu samata-mata bau ponsombahkonan koloban hi belengku.

2 TAWARIKH 7:12 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

1 TOMU-TOMUNDO' 9:2

Tumpu po'ule' mule'nanintoa susumo anu jinadimo i Gibeon.

2 TOMU-TOMUNDO' 2:6

Lapas aijo' notataemo na i Elia hi Elisa, “Jojoongmo i aiya. Aku sinaimo nu Tumpu da mambamo i kaunyo Yordan.” Panyo' tinaaman i Elisa, “I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Kaunyo Yordan,

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

2 TOMU-TOMUNDO' 21:7

Pontandai Pilogot boune Asyera pino'una'nyomo i uno nu Laigan nu Tumpu, padahan tampat aijo' pinoto'imo nu Tumpu hi Daud ka' hi Salomo anaknyo momo'ane. “Laigan-Ku tiba kota' Yerusalem aiya, pinile'an-Kumo hi sampulu' ka' ohua' na tulunan nu bansa Israel, anu jojoong i da'erah aiya, aiyamo na tampat anu tinantukan-Ku salaku tampat ponsomban Aku.

2 TAWARIKH 1:7

Pihi-pihi aitu Tumpu Allah nompotoamo butongnyo hi Salomo ka' notatae, “Poitamo mae pa'apaa na anu nu kahanda'i aijo' Ku bee'mo hi beleyum!”

2 TAWARIKH 7:16

Iwi-iwi' aijo' tionyo ahi ku bau kalana tampat aiya pinile'an-Kumo ka' tinantukan-Kumo bau samata-mata timbali tampat ponsomban Aku sampe toka sidu-sidutu'. Aku sabole-bole mompalahatikan ka' monjagai sampe toka sidu-sidutu'.

MAZMUR 10:17

O, Tumpu Belento nohongomo do'a nu mian anu madi' mingkaliangan na kantumuu'annyo ka' nompohosonmo kinyonyoa nu aha.

MAZMUR 66:19

Panyo Tumpu nompotombihingmo mae aku, Ia nonsetujuimo apaa na anu kinakase'kumo.

MALEAKHI 3:4

Sahingga susumo tempo'nyo naipuan mae, nu ka'ima'i ahi' nu Tumpu na iwi-iwi na koloban anu sinombahkonmo hi Tumpu nu aha mian Yehuda tiba mian nu Yerusalem.

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.