2 TAWARIKH 6:37 - KITAB NU TUMPU ALLA LELE MA'IMAI'

³⁷ ku taha'imani da belento mompotombihingakon mae do'a nu aha. De i lipu' aijo', nupala'imo nu aha na dosa' nu aha iwi-iwi', ka' balado'amo hi belento, ka' nu akuimo nu aha, na dosa' nu aha tukoonyo aha binaladosa'mo ka' nombaumo anu ma'idek, potombihingakon mae na do'a nu aha, o Tumpu.

2 TAWARIKH 6:37 ပူးပေါင်းရင်းမြစ်များ

2 TAWARIKH 6:36

De mian anu pinalesayamo hi belento baladosa'mo hi belento – memang madi' ko samian pe'e na anu madi' baladosa' – lantas kalana pusamo na belento opojohokmo nu belento na aha da nu patundu'mo nu sampo bali' ka' oboamo salaku mian anu i hakopmo ka' oboamo i sala'sa'angu' na lipu' anu majo'on kabai ohani,

2 TAWARIKH 6:38

De anu i lipu' aijo', aha halala'mo ka' tou-totu'u mompala'imo dosa' nu aha iwi-iwi', ka' balado'amo hi belento mo'a-'ahop i lipu' aiya anu binee'mo nu Belento hi mompolee' mami ka' mompatuimo kota anu pinile'anmo nu Belento ka' laigan bau ponsomban anu binaungkumo da kajojoongan nu Belento.

2 TAWARIKH 7:14

lantas mian anu pinalesayamo hi belengku anu saja' monsanggo sanggongku, mangakumo kasala'an, ka' balado'amo ka' mule' tokamo hi belengku, ka' madi'mo mombau kalakuan nu aha anu toto ide-idek, saba' kiita' mae i suluga' Ku hongo mae na do'a nu aha. Ku ampunimo na dosa' nu aha haha aijo' ka' mompotimbalimo mule' lipu' nu aha bilahi.

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

MAZMUR 106:6

Kami binaladosa'mo susumo mompolee' mami; kami nombaumo gau' anu ma'idek ka' pinalagantamo.

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.