2 TAWARIKH 6:29 - KITAB NU TUMPU ALLA LELE MA'IMAI'

²⁹ ku taha'imani da belento mompotombihingakon mae do'a nu aha. De daagi' ko anu aijo' hi mian nu Israel anu pinalesayamo balado'a ka' montutuhakonmo kasusa'annyo ka' ia monsimpalaakonmo limanyo mompatui mae Laigan aiya,

2 TAWARIKH 6:29 ပူးပေါင်းရင်းမြစ်များ

2 TAWARIKH 20:9

tukoonyo de aha o hukumo kalana aha nombaumo dosa', ka' aha nupahampateakonmo mae nu mian, panyakit anu molele, kabai kasusa'an i anu o kaan tokamo mae, aha timbali toka hi belento ka' tuminjo i ahop nu laigan ponsomban aiya. Maumo aha i uno nu kasusa'an aha timbali balado'a hi belento, ka' belento mohongo ka' montulungi aha.

2 TAWARIKH 6:28

De lipu' aiya kakulanganmo i anu o kaan kabai panyakit anu molele tokamo mae i lipu' aiya, kabai tempo' nu posinaa tokamo sahingga anu osu'an ola manggas, kabai koe', kabai kihi-kihi', kabai de mian anu pinalesayamo hi belento aiya nutumbuhimo mae nu sampo bali', kabai nutokamo mae nu panyakit,

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 14:10

Lame' kabai susa' kiijo' una-una' i uno nu kinyonyoanyo; panyo mian sangga'at madi' moko ala mongoa'i.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.