2 TAWARIKH 6:24 - KITAB NU TUMPU ALLA LELE MA'IMAI'

²⁴ De mian nu Israel anu pinalesayamo hi belento nupatundu'mo nu sampo bali' nu aha kalana aha binaladosa'mo, lantas mompele-pele'mo ka' po'ule'mo mongadati belento salaku Tumpu, lapas aijo' tokamo mae i Laigan nu Belento aiya ka' balado'amo momoita ampun hi belento,

2 TAWARIKH 6:24 ပူးပေါင်းရင်းမြစ်များ

2 TAWARIKH 6:25

ku taha'imani da belento mompotombihingakon mae kiita' i suluga'. Ku taha'imani da belento mongampuni dosa' nu mian anu pinalesayamo hi belento aiya, ka' mule' momboa aha i lipu' anu binee'mo nu Belento hi aha ka' hi mompolee' nu aha.

MAZMUR 44:10

Panyo uuka aiya Belento nompala'imo kami ka' nompojohokmo mae kami da opokalamo. Belento madi'mo daagi' mamba montumbuhi hingga-hinggat tiba suludadu mami.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

IMAMAT 26:37

Belemiu mopalaimo ka' mompaha dupa-dupa'mo samian ka' samian mau mule' madi' ko anu nololoi'. Ka' belemiu madi'mo moko ala mongewa sampobali' nu belemiu.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

YOSUA 7:8

O Tumpu! Sampobali' nohungku'imo ka' ninsusule'mo mae na aha mian nu Israel. Uuka aiya apaa na anu tionyo ahi' ku taloakon!

TO MIA-MIAN KOPIAN 2:11

Lapas aijo' aha mian nu Israel binaladosa'mo hi Tumpu. Aha madi'mo nonsombah Tumpu, Tumpu Allah nu mompolee' nu aha, aijo'mo Tumpu Allah anu nomboamo mae aha nosabat lengkat i Mesir. Aha nontampu'uni nonsombah Baal ka' Asytoret ka' to pilo-pilogot sangga'at anu nusombah nu to bansa-bansa anu montikubi aha. Sahingga tinambuha'anmo nu Tumpu na aha ka' nompojohokmo sampobali' nu aha nontumbuhi ka' nompahuhuimo aha. Aha madi'mo noko ala nongahopi sampobali' nu aha anu aitu mae nontikubi aha.