2 TAWARIKH 6:10 - KITAB NU TUMPU ALLA LELE MA'IMAI'

¹⁰ Uuka aiya Tumpu nongganapimo janji'-Nyo. Aku tinimbalimo Tomundo nu Israel nombolosakonmo tuumangku, ka' mule' aku nombaumo laigan bau tampat ponsomban Tumpu, Tumpu Allah nu Israel.

2 TAWARIKH 6:10 ပူးပေါင်းရင်းမြစ်များ

1 TOMU-TOMUNDO' 2:12

Lapas aijo' i Salomo tinimbaimo tomundo' nombolosakon i Daud tuumanyo. Kakuasa'an i Salomo salaku tomundo' talalo hondo mahoson.

1 TAWARIKH 17:11

Saidi' mae de tokamo na ajan nu beleyum ka' beleyum olamunmo i polamunan nu mompolee' nu belemiu samian na anak nu beleyum momo'ane Ku hangkatmo timbali tomundo' iamo na mompotinjo laigan kajojoongan-Ku. Kalaja'annyo Ku pohosonmo ka' sampe toka sidu-sidutu' samian anu lengkat mae hi lee'nyo na mompalentahje salaku tomundo'.

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 28:5

Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

2 TAWARIKH 1:1

I Salomo anak mo'ane i Tomundo Daud tinimbalimo tomundo anu mahoson hondo na kakuasa'annyo i kalaja'an Israel. Tumpu Allah nombalakatimo ia ka' nompohosonmo hondo kakuasa'annyo.

2 TAWARIKH 6:11

I uno nu Laigan nu Tumpu aijo' pinosadiangkumo na tampat bau pompokokoan Peti' Palajanjian anu koisinyo batu palajanjian nu Tumpu hi aha mian nu Israel.”

2 TAWARIKH 6:9

Panyo, misa' beleyum, anak nu beleyumje ahi' na mombau Laigan-Ku aijo'.’

ANU MOMPOLELE POTATAE NU TUMPU 1:4

Tulunan sa'angu' tokamo mae ka' mule' tulunan sangga'at imadi'anmo, panyo dunia na sapulinyo ahi' tataap.