2 TAWARIKH 5:4 - KITAB NU TUMPU ALLA LELE MA'IMAI'

⁴ Salatan iwi-iwi' na to pola-polaya' haha aijo' sinihukmo, to mia-mian nu Lewi nohangkatmo Peti' Palajanjian aijo'

2 TAWARIKH 5:4 ပူးပေါင်းရင်းမြစ်များ

1 TOMU-TOMUNDO' 8:3

Salatan to kapa-kapala sinihukmo iwi-iwi', to ima-imam nohangkatmo Peti' Palajanjian aijo'

1 TAWARIKH 15:2

I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

2 TAWARIKH 5:5

lantas binoamo nu aha i Laigan nu Tumpu. Kemah nu Tumpu tiba iwi-iwi' na talakonannyo suele i lalinmo binao i Laigan nu Tumpu nu to ima-iman ka' mian nu aha Lewi.

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

YOSUA 3:6

Lantas i Yosua nompalentahmo to ima-imam da mohangkatmo Peti Palajanjian aijo' lantas mambamo momona, aha mian nu Israel na imihije mae. Lantas palentah i Yosua aijo' binaumo nu aha.

YOSUA 6:6

Sahingga i lagamo i Yosua na to ima-imam, ka' notatae, “Hangkatmo na Peti' Palajanjian aijo'; aha popitu' na mian atina' hi belemiu tionyo ahi' lumajang mamba momona momboa tolompet.”