2 TAWARIKH 5:2 - KITAB NU TUMPU ALLA LELE MA'IMAI'

² Lapas aijo' i Tomundo Salomo nompalentahmo iwi-iwi' na to pola-polaya' nu aha tulunan nu bansa ka' aha sa'anakan mae anu minsoop bansa Israel da sihuk mae i Yerusalem, da olalinmo na Peti' Palajanjian nu Tumpu lengkat mae i Sion oboa mamba i Laigan nu Tumpu.

2 TAWARIKH 5:2 ပူးပေါင်းရင်းမြစ်များ

2 SAMUEL 5:7

I Daud notataemo hi to sulu-suludadunyo, “Pa' daagi ko mian anu aiya hi kita mongka'ideki mian nu Yebus susumo aku suele mongka'ideki aha? Totu-totu'u ahi' na ia mongka'ideki aha sahingga o jujuhi' ahi'na mompatei aha? De sumo uuka yo pinsoopmo montulu jalan mae nu uee ka' paha pateimo na anu to pengko-pengko' tiba anu to mapi-mapisok anu ku ku ka'ideki aijo'.” (Mokonyo aijo' tinaloakonmo nu mian, “Mian anu mapisok tiba mian anu pengko' madi' timbali minsoop hi laigan nu Tumpu.”) I Daud noko alamo nongkuasai benteng nu Sion ka' jinojoongannyomo. Ka' sinanggohannyomo “Kota' Daud”. Kota aijo' binaunyo montotonga'i benteng aijo' tinampu'unan lengkat pe'e mae i sasu kabete'an na lewa' tinambunan nu tano' tangka-tangkas sahingga nabungkutmo.

2 SAMUEL 6:12

Salatan ihongomo i Daud na i Obed-Edom ka' aha salaigan ka' mule' iwi-iwi' apaa na anu daagi hi aha, binalakatanmo nu Tumpu kalana Peti' Palajanjian pinojoongmo hi aha. Sahingga ia nambamo hi laigan i Obed-Edom nongala Peti' aijo' ka' ilalinnyomo namba i Yerusalem ka' nombaumo bau-bauon na aha nolame'akon Peti' aijo'.

1 TAWARIKH 15:1

I Daud nombaumo laigan tino pia-piangkuka i kota' Daud bau kajojoongannyo, ka' nomposadiamo tampat pompo'una'an Peti' Palajanjian nu Tumpu Allah, lantas nombaumo kemah pompo'una'an Peti' aijo'.

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.

1 TAWARIKH 15:25

Sahingga nambamo na i Tomundo' Daud tiba aha to pola-polaya' nu Israel, ka' to sulu-suludadu anu toto tangka-tangkas na pangkatnyo hi laigan i Obed-Edom mongala Peti' Palajanjian aijo', dinaka' hondo na nolame'akon.

1 TAWARIKH 15:3

Sahingga i lagamo i Daud iwi-iwi' na mian nu Israel da toka mae i Yerusalem molalin Peti' Palajanjian nu Tumpu oboa i tampat anu pinosadianyomo.

1 TAWARIKH 16:1

Peti' Palajanjian aijo' pino'una'mo i uno nu kemah anu pinosadiamo i Daud na tampat nu Peti' aijo'. Lantas aha nonsombahkonmo hi Tumpu Allah koloban anu opotunu ka' koloban pompodame.

1 TAWARIKH 24:31

De ahamo na mongala bahagian mokalaja, toto samian na tu'anyo nu sa'angu' na auwan tibaa samian na utusnyo ise' mo'ane montoluk onde susumo anu binaumo nu to julu-julu mae nu aha sangga'at aijo'mo to ima-imam lee' mae i Harun. Montoluk onde aijo' nusakisi i Tomundo' Daud tiba i Zadok, i Ahimelekh ka' to tu'a-tu'anyo nu to sa'angu' na auwan hi aha tompukan mae nu to imi-imam ka' hi aha tompukan mae nu aha Lewi.

1 TAWARIKH 24:6

Lee' mae i Eleazar ka' lee' mae i Itamar nobolo-bolos toto samian na nontoluk onde, lantas toto samian na sanggo nu a aha tinulis nu gulutulis samian, sanggonyo i Semaya anak i Netaneel mian nu aha Lewi. Iwi-iwi' aijo' binau i ahop nu tomundo' ka' to mia-mian anu ko pangkatnyo, i Imam Zadok, i Ahimelekh anak i Abyatar ka' to tu'a-tu'anyo nu auwan aha mae tompukan mian nu Lewi.

1 TAWARIKH 26:26

I Selomit tiba to julu-julunyo monjagai ka' montoa iwi-iwi' apaa na anu nu bee' ka' nu sombahkon i Tomundo' Daud, ka' anu nu bee' nu to tu'a-tu'annyo nu auwan, ka' to pola-polaya' nu auwan, ka' to sulu-suludadu anu toto tangka-tangkas na pangkatnyo.

1 TAWARIKH 28:1

I Tomundo' Daud nompalentahmo da iwi-iwi' na to pola-polaya' nu aha Israel sihuk i Yerusalem. Jadi to kapa-kapala nu toto sa'angu' mae na tulunan nu bansa anu montoongi pangkat kapalentahan, to kapa-kapala nu aha sa'anakan mae, to mia-mian anu montoa ka' mompalesa halata' ka' potuu'on i tomundo' ka' montoa to ana-anaknyo anu toto momo'ane – osaingkodo-kodo'imo to mia-mian daka' anu ko pangkatnyo i laigan nu tomundo', to sulu-suludadu anu toto tangka-tangkas na pangkatnyo, ka' to mia-mian anu o'angga'i, iwi-iwi' sinihukmo i Yerusalem.

2 TAWARIKH 1:4

(Panyo Peti' Palajanjian nu Tumpu kiijo' mae i Yerusalem i uno nu kemah anu pinotinjo i Tomundo Daud da pinompo'una'an Peti' aijo' tempo'nyo ia nolalin mae lengkat i Kiryat-Yearim.)

2 TAWARIKH 5:1

Salatan ilapasmo na i Tomundo Salomo nombau Laigan nu Tumpu aijo', pino'una'nyomo iwi-iwi na salaka, mosni', i gudang nu laigan aijo' ka' talakonan tiba pakakas sangga'at anu sinombahkonmo i Daud, tuumanyo hi Tumpu.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 87:2

Iwi-iwi' na kota' i Israel, Yerusalemo na anu talalo hondo nu kalibosi.

IMAMAT 9:5

Iwi-iwi' na anu pinotuunmo i Musa binoamo nu aha i ahop nu Kemah, ka' iwi-iwi' na mian sinihukmo ikiijo' da monsombahmo Tumpu.

NOMBILANGMO 10:33

Salatan aha bansa Israel nompala'imo Sinai, bungkutnyo kajojoongan nu Tumpu, aha i lumajang kopinnyo tinolun sinaa. Peti' Palajanjian nu Tumpu saja' oboa mamba momona da aha molio tampat bau pompotinjoan kemah nu aha.

NOMBILANGMO 10:36

Ka' de Peti' Palajanjian aijo' tokamo i tampat kabelentian, i Musa motataemo, “Pinsusule'mo mae o Tumpu, hi aha bansa Israel anu nomada-madalamo.”