2 TAWARIKH 5:11 - KITAB NU TUMPU ALLA LELE MA'IMAI'

^11-14 Iwi-iwi' na imam anu daagi' i kiijo' lengkat iyaya mae na tampat nosadiamo da mongala bahagian apaa na anu obau sinaa aitu. Iwi-iwi' na anu lewa' manyanyi ka' mahaik musik, aha mae tulunan nu bansa Lewi, aijo'mo i Asaf, i Heman, i Yedutun ka' iwi-iwi' na aha anu sa'anakan mae nompusokmo baju' hude lenan. Mian nu Lewi haha aijo' tinuminjo sasu kabete'an mezbah ka' nontoongi simbal ka' kasapi. Ka' sangalu mule' nu aha 120 na to ima-imam anu mompuuhi tolompet. Nyanyian nu aha to panya-panyanyi pinohinggat-hinggatakonmo tiba musik tolompet, simbal ka' musik sangga'at. Sumo uuka na onyi'nyo nu nyanyian nu aha mompuji' Tumpu: “O puji' na Tumpu, kalana Ia manonong. Kalibosannyo sampe toka sidu-sidutu'.” Salatan to ima-imam nosabatmo lengkat mae i Laigan nu Tumpu aijo', monti-montiik Laigan aijo' kahomo jingka tandanyo tinokamo na Tumpu, sahingga aha madi'mo noko ala nolausakon apaa na anu binaumo nu aha, aijo'mo monsombah Tumpu.

2 TAWARIKH 5:11 ပူးပေါင်းရင်းမြစ်များ

1 TAWARIKH 15:14

Jadi to ima-imam ka' mian nu Lewi nomposusi'mo butong nu aha da timbali molalin Peti' Palajanjian nu Tumpu, Tumpu Allah nu Israel.

2 TAWARIKH 29:15

Lapas aijo' aha nomposihukmo to mia-mian nu Lewi sangga'at, ka' aha iwi-iwi' nomposusi'mo butong nu aha. Lapas aijo', to ima-imam ninsoopmo i Laigan nu Tumpu susumo anu pinalentahkonmo nu tomundo, ka' nomposusi'mo butong susumo koonyo nu atulan nu Tumpu. Iwi-iwi' na anu nahumimi'mo sinabatakonmo i popasan nu Laigan nu Tumpu. Lantas binoamo nu mian Lewi i Bangka'nyo nu Kidron i sambiha'nyo nu kota.

2 TAWARIKH 29:34

To ima-imam anu nomposusi'mo butongnyo madi' da'isan na mongkiliti binatang haha aijo'. Kalana aitu aha tinulunganmo nu to mia-mian Lewi, kalana mian nu Lewi na talalo tulu-tulutan hi atulan nu momposusi'. Aha tataap montulungi sampeje sukupmo na imam anu momposusi'mo butongnyo.

2 TAWARIKH 29:5

ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

2 TAWARIKH 30:15

I tanggan 14 bitu'onmo aijo' aha nongkolotmo manjoo' hondo na domba anu osombahkon salaku anu kolobanakon i Paskah. To ima-imam ka' to mia-mian nu Lewi anu daagi' mahenyu, na'ambangmo hondo. Aha nomposusi'mo butongnyo sahingga timbalimo nonsombahkon koloban anu opotunu i Laigan nu Tumpu.

2 TAWARIKH 35:4

Posadiamo na gombuan nu belemiu i Laigan nu Tumpu ka' toongi na kalaja anu binagi-bagimo anu tinantukanmo hi belemiu i Tomundo Daud ka' i Tomundo Salomo anaknyo momo'ane.

2 TAWARIKH 35:6

Belemiu na tionyo mongkolot domba anu osombahkon i lamean nu Paskah. Mokonyo aitu posadia na butong miu da timbali monsombah Tumpu, ka' posadiamo suele na iwi-iwi na koloban anu osombahkon hi Tumpu, da tiba jalan anu sumo aijo' to mia-mian nu Israel sangga'at timbali moko ala mombau apaa na anu pinalentahkonmo nu Tumpu hi Musa.”

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.