2 TAWARIKH 4:7 - KITAB NU TUMPU ALLA LELE MA'IMAI'

^7-8 Ia noki bau mule' sampulu' na tengke nu sulu' mosoni' na binau montiho sonto' anu lewa'mo pinopikilakon, ka' 10 na meja'. Iwi-iwi' na tengke nu sulu' ka' 10 na meja' haha aijo' pinokoko i uno nu Salipi' anu o'angga'i i Laigan nu Tumpu – toto olima', sasu kowi olima', ka' olima' mule' i sasu koanan. Pinoki baunyo mule' 100 na mangko' mosoni'.

2 TAWARIKH 4:7 ပူးပေါင်းရင်းမြစ်များ

1 TOMU-TOMUNDO' 7:39

I Huram nompo'una' olima' na kareta i sasu selatan Laigan nu Tumpu, ka' olima' i sasu utara. Gumbang tambaga aijo' pinokokonyo i susunyo sasu tenggara.

1 TAWARIKH 28:12

I Daud mule' nombee'i iwi-iwi' na tanga'an anu pinile'annyomo anu bau popasannyo ka' mule' salipi'nyo titikup, ka' mule' to guda-gudang pompo'una'an talakanan anu opake i Laigan nu Tumpu aijo' ka' mule' to guda-gudang pompo'una'an apa-apaa na anu nu bee' nu mian hi Tumpu.

1 TAWARIKH 28:14

Ia nombee'imo sonto' mosia na mombau mosoni' ka' salaka anu bau pakakas,

1 TAWARIKH 28:15

toto sa'angu' na sulu' ka' tengke nu sulu',

1 TAWARIKH 28:19

Lantas pinoto'imo i tomundo' Daud, “Iwi-iwi' aijo' i unomo nu tanga'an anu tinulismo susumo anu pinoto'imo nu Tumpu na sonto'nyo hi belengku da obau.”

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”