2 TAWARIKH 36:6 - KITAB NU TUMPU ALLA LELE MA'IMAI'

⁶ Tempo'nyo i Nebukadnezar tomundo nu aha Babel nongkuasaimo Yehuda, i hakopnyomo na i Yoyakim ka' pinungunyomo nu lante' besak ka' binoanyomo i Babel.

2 TAWARIKH 36:6 ပူးပေါင်းရင်းမြစ်များ

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

YEREMIA 22:19

I Yoyakim ohela'mo ka' olumbu'akonmo isambiha'nyo nu sabatan daka' Yerusalem, susumo anu binaumo nu mian hi bangke' nu keledai.”

YEREMIA 25:1

Itaun kino opatnyomo salatan i Yoyakin anak momo'ane i Yosia tinimbalimo tomundo' nu aha Yehuda, aku nohumpakmo potuunon lengkat mae hi Tumpu mongkona iwi-iwi' na bansa Yehuda. Tempo'nyo aijo' tahunmo palatamanyo na i Nebukadnezar tinimbali tomundo nompalentah i Babel.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEHEZKIEL 19:4

To bansa-bansa anu nohongomo mae lelenyo aijo', sinihukmo mae kahanda' da mohakopmo ia. Ia ihakopmo i uno nu bolo' ka' binoamo, lantas ihela'mo nu kakait namba i Mesir.