2 TAWARIKH 36:16 - KITAB NU TUMPU ALLA LELE MA'IMAI'

¹⁶ Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

2 TAWARIKH 36:16 ပူးပေါင်းရင်းမြစ်များ

2 TAWARIKH 30:10

Salatan mian haha aijo' anu sinai nambamo lengkat i kota' namba mule' i kota' sangga'at i da'erah tulunan nu bansa Efraim ka' Manasye toka-toka i sasu Utara na kojo'onnyo i da'erah tulunan nu bansa Zebulon, aha lewa' kinokojoan ka' pinopo ambang.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

YEREMIA 32:3

nu tomundo' Zedekia kalana sinangkamo koonyo aku nombebakonmo Tumpu nompoto'i sumo uuka, “Tomundo' nu Babel Ku popilayamo da mompatundu'mo ka' monjojoongimo kota' aiya,

AMSAL 6:15

Iwi-iwi' aijo' monsaduakonmo kasilaka'an anu monti-montiik mongkonamo butongnyo, ka' ia hansunmo totu-totu'u.

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

MAZMUR 35:16

Aha sabole-bolemo ahi' saja' mongkokojoi mae aku, mian anu ilupe'mo ka' mongka'idekimo mae na aha montoa aku.

EZRA 5:12

Panyo kalana mompolee' mami nombaumo han anu moko pusa Tumpu Allah anu mongkuasai suluga', sahingga Ia nombee'mo aha hi kakuasa'an i Nebukadnezar, tomundo nu Babel lee' mae nu aha Kasdim. Ingideanyomo na Laigan aijo' ka' binoanyomo na bansa mami i Babel.

IBRANI 11:36

Daagi' ko anu i le-letakon, pinohos, pinungu nu lante ka' pinosoop i uno nu talungku'.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

SISIKON NU TO RASUL-RASUL 13:41

‘Palahatikan ima-ima', na komiu to mia-mian anu mongka'ima'i motatae anu moko kulang! Komiu bangang, lantas mate! Kalana tempo' uuka Aku hau-haunyo mombau apa-apaa anu madi' o palesaya miu, maupe'e daagi' ko mian anu monsisikakon hi komiu.’ ”

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

SISIKON NU TO RASUL-RASUL 2:13

Panyo daagi' mule' ko to mia-mian anu mongalu. Aha notatae, “Ah, to mia-mian haha aiya ola ahi' malangu!”

LUKAS 23:36

To sulu-suludadu suele nompopudikmo Ia. Aha tinokamo ka' nompo'inum anggur malosing hi Ia.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 18:32

Ia obee'mo hi to mia-mian misa' Yahudi, anu monyaat, mompopisik, ka' montupe'i Ia.

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

YEREMIA 38:6

Lantas ingalamo nu aha na aku lantas pinungumo nu aha ka' inguluakonmo nu kahohon na aku i uno nu bubung, bubung aijo' anu i Malkia anak momo'ane i tomundo' anu kiijo' ipopasan nu laigan i tomundo'. Bubung aijo' madi'mo ko ueenyo, olamo henseknyo jadi aku ninsoopmo i hensek aijo'.

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YESAYA 28:22

Aku nohongomo kaputusan nu Tumpu Anu Matangkas na Kuasanyo ka' mule' Anu Daka' na Kuasanyo monsilakaimo iwi-iwi' na lipu'. Boli mompisala'i potatae anu bau pompo'ingat, anu pinotokangkumo aiya. Dumo lebe momposusa' mule' belemiu koko kahanda'mo momposalamat butong nu belemiu!

MATIUS 23:34

Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

LUKAS 6:23

To nabi-nabi tempo'nyo u'utu mae binau suele sumo aitu. De han aijo' jadi, posanangmo na kinyonyoa miu, ka' mosalele lame-lame', kalana daka' na tamboonyo pinosadiamo bau bagi miu i suluga'.

2 TOMU-TOMUNDO' 2:23

Lapas aijo' i Elisa nambamo nompala'i Yerikho ka' nambamo i Betel, I olot nu jalan daagi' ko to ana-anak pa' aha sangkuka nosabatmo mae lengkat i kota' lewa'mo nongkokojoi ia, “O ubak lenggeng, ubak lenggeng, lako' pala'i na tampat aiya!” na anu lewa' i loobo'akon nu aha.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

YESAYA 5:4

Daagi' apaa mule' na anu tionyo ahi' Ku bau, panyo ma'isa Ku bau na ale' nu anggur-Ku aijo'? Kadaka' ia nimbua'mo anggur anu malosing, ka' madi' ahi' nimbua' anu matami' susumo anu ingima-imanan-Kumo?

YESAYA 65:12

Belemiu iwi-iwi' silakamo salakumo koloban kalana panggaga. Kalana, salatan Aku nolagamo, belemiu madi' nontaami, ka' salatan Aku notatae, belemiu madi' mompotombihing. Belemiu lebe mongka'ima'i monggagakon Aku ka' mombau anu ma'idek.

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEREMIA 30:12

Tumpu notataemo hi aha mian anu palesayamo hi Ia; “Panyakit nu beleyum tinadokmo hondo, bela nu beleyum atina' madi'mo daagi'ko pakuli'nyo.

YEREMIA 32:33

Aha nohikumo mae Aku ka' maumo ahi' Aku salio-liomo aha, aha madi' ahi' mohongo-hongo Aku ka' mule' madi' ahi' ko kasinsumbu'annyo.

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

DANIEL 9:6

Kami madi'mo nohongo to nabi-nabi, te to posa-posaihon nu Belento haha aijo' anu notatae momboa sanggo nu Belento lantas pinoto'imo nu aha hi to tomu-tomundo' mami ka' mule' hi to pola-polaya' mami ka' mule hi to mompo-mompolee' mami ka' mule' hi iwi-iwi' na to bansa-bansa mami.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

TO MIA-MIAN KOPIAN 2:17

Panyo aha madi' montapali polaya' haha aijo'. Aha nonsombahmo to pilo-pilogot sangga'at, ka' madi'mo nohongo-hongo Tumpu. Aha madi'mo nontuluti sonto' nu mompolee' nu aha anu tulu-tulutan hi palentah nu Tumpu iwi-iwi'.

1 TAWARIKH 19:4

I Tomundo' Hanun nohakopmo posaihon mae i Daud haha aijo', jangkut nu aha kinisnyomo ka' ki longannyomo na baju' nu aha pinokodo'mo me tinoka i lampeokan, ka' sinainyomo na aha ninsusule'.

2 TAWARIKH 24:19

Tumpu nonsaimo to nabi-nabinyo da mompokinde'i aha da po'ule' palesaya hi Tumpu, panyo mian da'isan madi'mo mongka'oho' mompotombihing.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?