2 TAWARIKH 36:10 - KITAB NU TUMPU ALLA LELE MA'IMAI'

¹⁰ Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

2 TAWARIKH 36:10 ပူးပေါင်းရင်းမြစ်များ

YEREMIA 37:1

Tempo'nyo i Nebukadnezar tomundo' nu Babel nompobelentimo i Yoyakhin anak i Yoyakim, ia nohangkatmo i Zedekia anak i Yosia binau tomundo' nu Yehuda.

2 TAWARIKH 36:7

Sambagian na to bala-balang anu mahan na olinyo i uno nu Laigan nu Tumpu binoamo i Nebukadnezar ka' pino'una'nyomo i laigan nu tomundo kajo-kajojoongannyo kiijo' i Babel.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 5:2

Hau-haunyo aha lewa' monginu-inum i Belsyazar nompalentahmo da mamba mongala to mangko-mangko' mosoni' ka' salaka anu ingagoan mae i Nebukadnezar tuumanyo i uno nu Laigan nu Tumpu kiijo' mae i Yerusalem. Makisud i Tomundo' Belsyazar da anu to tangka-tangkas na pangkatnyo, to bengke-bengkele'nyo, to amba-ambahue'nyo ka' suele ia na monginum ahi' i mangko' haha aijo'.

YEHEZKIEL 17:12

“Pokilawa hi aha to mia-miana nu saja' motomuhuk haha aijo' pa' nu sumbu' ahi' nu aha na alati'nyo nu kahantuangan ai-aijo. Poto'i hi aha saba' tomundo' nu aha Babel tinokamo mae i Yerusalem ka' nomboamo tomundo' nu aha Yehuda tiba aha to mia-mian anu toto tangaka-tangkas na pangkatnyo i kota' aijo' ka' binoamo i Babel.

YEREMIA 24:1

Daagi' kinominsan salatan i Yoyakhin anak momo'ane i Yoyakim tomundo' nu aha Yehuda tiba to mia-mian anu ko pangkatnyo ipamalentah Yehuda, to mia-mian anu toto pande-pande na mombau apa-apaa tiba to tuka-tukang toto pande-pande na mokalaja binoamo i Nebukadnezar tomundo'nu Babel ka' binoamo salaku anu ihakop lengkat mae i Yerusalem binoa i Babel, Tumpu nompotoamo mae hi belengku anu tinoa. Tinoangku ohua' na ponang ko isinyo bua' nu kau' ara koko-koko i ahop nu Laigan nu Tumpu.

YEREMIA 22:25

ka' Ku bee'mo hi to mia-mian anu nu kabuhuk nu belemiu ka' anu kahanda'mo mompatei belemiu. Beleyum Ku bee'mo hi Nebukadnezar tomundo' nu aha Babel, ka' hi to sulu-suludadunyo.

2 TAWARIKH 36:18

To paka-pakakas i Laigan nu Tumpu, ka' to bala-balangnya anu mahan na olinyo, ka' suele balang kakaya'an nu tomundo, ka' anu nu to mia-mian anu ko pangkatnyo mokalaja hi tomundo, iwi-iwi' pinahuhuakonmo i tomundo Babel aijo' lantas binoanyomo i Babel.

2 SAMUEL 11:1

To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

2 TOMU-TOMUNDO' 20:17

na tempo'nyo iwi-iwi' na kakaya'an anu atina' i laigan nu tomundo' kajojoongan nu beleyum, ka' anu i humpak nu mompolee' nu beleyum sampe sinaa aiya, saidi' mae oboamo i Babel. Madi' ko anu tontuha'.

ESTER 2:6

I Mordekhai toho' i hakop ka binoamo i Babel tempo'nyo Yerusalem pinatundu'mo i Nebukadnezar, tomundo nu Babel. I Mordekhai mambamo pinojoong i Babel hingga-hinggat tiba i Yoyakin, tomundo nu Yehuda, ka' mule' nanjoo' na anu i hakop sangga'at ka' binoa.

YESAYA 39:7

Mompolee' nu beleyum daagi' ko anu o, ala ka' ohangkatmo bau pagawe da mokalaja ilaigan nu tomundo' da mombau apaa na anu nu pokauhakon nu tomundo' Babel.’ ”

YEREMIA 20:5

Sampobali' nu aha Ku pojohokmo da mompahuhuakon ka' mongatomo oboa i Babel iwi-iwi' na kakaya'an anu ikota' aiya, ka' mule' ingko-ingkot na halata' nu aha, ka' mule' santo paka-pakakas pusaka' nu to tomu-tomundo' Yehuda.

YEREMIA 27:16

Lapas aijo' ku poto'imo hi to ima-imam ka' hi iwi-iwi' na mian da'isan tukoongku Tumpu notataemo mae sumo uuka, “Boli mompotombihing to nabi-nabi anu nompoto'i tukoonyo nu aha madi'mo daagi' pin to bala-balang anu i uno nu LaiganKu po ule'mo mae osule'akon lengkat mae i Babel. Aha baleko'.

YEREMIA 28:3

I uno nu tempo' ohua' na taun Ku sule'akonmo na to bala-balang anu ingala i uno nu Laigan-Ku, anu binoamo i Tomundo' Nebukadnezar i Babel.

HABAKUK 1:10

To tomu-tomundo' ola nu wen nu aha ka' mule' to pega-pegawe anu toto tangka-tangkas na pangkatnyo ola suele lewa' nu kokojoi nu aha. Iwi-iwi na benteng nu anggap nu aha madi' ko gunanyo ka' tinabuhanmo nu aha nu tano' lantas tinumbuhanmo nu aha na benteng aijo'.

YEHEZKIEL 17:6

Kau aijo' tinimbalimo kau' anggur ka' tumuu'nyo hede' ka' dinumandangmo manta-mantan. Panga'nyo haha aijo' mompanjolongi bonyia' ai-aijo' ka' bakatnyo nanimpasokmo hoso-hoson i tano'. Kau' anggur aijo' tambok hondo na honnyo.