2 TAWARIKH 35:3 - KITAB NU TUMPU ALLA LELE MA'IMAI'

³ To mia-mian nu Lewi anu binee'anmo kalaja samata-mata mombau anu nu palentahkon nu Tumpu, ka' anu tinimbalimo to gulu-gulu' nu aha Israel nohumpak palentah sumo uuka hi Yosia, “Po'una' na Peti' palajanjian nu Tumpu anu susi' aijo' i Laigan nu Tumpu anu binaumo i Tomundo Salomo anak i Daud anu momo'ane. Madi'mo daagi' timbali lewa' olali-lalin nu belemiu. Obau apaa na anu nu palentahkon nu Tumpu Allah nu belemiu ka' bansa Israel mian anu pinalesayamo hi Ia.

2 TAWARIKH 35:3 ပူးပေါင်းရင်းမြစ်များ

1 TAWARIKH 23:26

Kalana aitu, Kemah nu Tumpu ka' iwi-iwi' na pakakas anu opake de monsombahmo Tumpu madi'mo palalu lewa' nu simbu nu mian Lewi.”

2 TAWARIKH 17:7

I taun kototolu'nyomo na ia nompalentah, ia nompalentahmo to mia-mian anu ko pangkatnyo matangkas da mompogulu' to atu-atulan nu Tumpu hi songko-songko na kota Yehuda. Aha aijo'mo: i Berhail, i Obaja, i Zakharia, i Netaneel ka' i Mikha.

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

2 TAWARIKH 34:14

Tempo'nyo doi anu i limu' hi mian da'isan aijo' sinabatakonmo i pinompo'una'an, i humpakmo i Hilkia na kitab Atulan nu Tumpu, aijo'mo to atu-atulan anu binee'mo nu Tumpu Allah hi Musa.

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

2 TAWARIKH 8:11

I Salomo nolalinmo bengkele'nyo, anak nu tomundo Mesir lengkat i Kota' Daud binoamo i laigan anu binaumo da bau pompojoongan ia. Kalana tinutugan i Salomo, “Bengkele'ku madi' timbali jojoong i laigan nu tomundo anu kikinajojoongan i Daud tomundo nu Israel, kalana iwi-iwi' na tampat anu toho'mo pinompo'una'an Peti' Palajanjian aijo' susi'.”

NOSABATMO 32:29

Notatae na i Musa hi tulunan nu bansa Lewi, “Sinaa aiya belemiu nombee'mo butong nu belemiu da timbalimo samata-mata imam anu mombau apaa na anu nu palentahkon nu Tumpu kalana nompateimo to ana-anak ka' to utu-utus nu belemiu, sahingga Tumpu mombalakatimo belemiu.”

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

NOMBILANGMO 8:19

ka' mian nu Lewi haha aijo' Ku bee'mo hi Harun ka' hi to ana-anaknyo da timbali mokalaja hi aha mian nu Israel i Kemah-Ku. Ka' suele da aha momoita da Ku ampuni na bansa Israel da bansa aijo' madi' nukona nu balaa' de aha toka mae talalo ohani i tampat anu susi' aijo'.”

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

PO'ULE' INGULIT 33:10

Aha nompotinganmo mian anu pinalesayamo hi Belento da sabole-bole montuluti iwi-iwi' na palentah nu Belento ka' nonsombahkonmo koloban i mezbah nu Belento.