2 TAWARIKH 34:9 - KITAB NU TUMPU ALLA LELE MA'IMAI'

⁹ To mia-mian nu Lewi anu monjaga Sabatan Laigan nu Tumpu, nombee'mo hi Imam Daka' Hilkia, doi anu i limu'mo nu aha. Doi aijo' lengkat mae hi mian nu Efraim ka' Manasye, ka' lengkat mae hi mian da'isan sangga'at anu i Kalaja'an Utara, ka' mule' lengkat mae hi mian da'isan nu Yehuda, Benyamin ka' Yerusalem.

2 TAWARIKH 34:9 ပူးပေါင်းရင်းမြစ်များ

2 TOMU-TOMUNDO' 23:4

Lapas aijo' pinalentahmo i tomundo' na Imam Daka' Hilkia, to ima-iamam anu lewa' mompaha tulungi Imam Daka' tiba to mia-mian anu monjagai ka' mokalaja i sabatan nu Laigan nu Tumpu, da mosabatakon iwi-iwi' na pakakas anu kiijo' i uno nu Laigan nu Tumpu anu opake monsombah Baal, Pilogot boune Asyera, tiba manda-mandala'. Iwi-iwi' na pakakas aijo' pinapuan i Tomundo' Yosia i sambiha' nu kota' koko Bangka'nyo nu Kidron, lantas abu'nyo binoamo i Betel.

2 TAWARIKH 30:10

Salatan mian haha aijo' anu sinai nambamo lengkat i kota' namba mule' i kota' sangga'at i da'erah tulunan nu bansa Efraim ka' Manasye toka-toka i sasu Utara na kojo'onnyo i da'erah tulunan nu bansa Zebulon, aha lewa' kinokojoan ka' pinopo ambang.

2 TAWARIKH 30:18

Ka' mule' aha to mia-mian nu Efraim, Manasye, Isakhar ka' Zebulon, manjoo' hondo na tinoka padahan ma'isa mae nomposusi' butong nu aha. Jadi aha nolame'akonmo Paskah aijo' padahan ma'isa nontuluti atulannyo. Kalana aitu i Tomundo Hizkia binalado'amo nondo'akon aha, ia notatae,

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

2 TAWARIKH 34:10

Lapas aitu doi aijo' binee'mo i Imam Daka' Hilkia hi mian aha totolu' aijo' anu binee'an kalaja monjagai kalaja mompokopiani Laigan nu Tumpu aijo'. Lantas doi aijo' binee'mo nu aha mule',

2 TAWARIKH 34:18

Lapas aijo' pinoto'inyo mule', “I Hilkia nombee'mo mae kitab aiya hi belengku.” Lantas binasa'mo i Safan da nuhongo i tomundo.

2 TAWARIKH 34:20

Lantas pinalentahmo i tomundo na i Hilkia, i Ahikam anak i Safan, i Abdon anak i Mikha, i Safan julutulis nu negara tiba i Asaya anu saja' monsangalui i tomundo,

2 TAWARIKH 34:22

Lantas nambamo na i Hilkia, i Ahikam, i Abdon, i Safan tiba i Asaya, mompokilawa hi samian na boune sanggonyo i Hulda pa' mosia na koonyo. Ia nabi jojoong i kampung anu sala'je binau kiijo' i Yerusalem. Langkai'nyo sanggonyo i Salum anak i Tikwa makumpu i Harhas. Ia na anu lewa' mongulus baju' opusok de monsombahmo Tumpu i Laigan nu Tumpu. Salatan i Hulda nohongo mo anu tinutuhakon nu aha,

2 TAWARIKH 35:8

To mia-mian anu ko pangkatnyo mokalaja hi Yosia suele nombee'mo bau pontulungi to ima-imam ka' aha mian nu Lewi anu aijo' hi aha mian da'isan. To mia-mian anu ko pangkatnyo anu binee'an kalaja i Laigan nu Tumpu, aijo'mo i Imam Daka' Hilkia, tiba i Zakharia ka' i Yehiel, aha toto-totolu' nombee'mo hi to ima-imam 2.600 anak nu domba ka' mee' anu daagi' bata'nyo ka' 300 na sapi' lakinyo da osombahkon i lamean aijo'.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.