2 TAWARIKH 34:8 - KITAB NU TUMPU ALLA LELE MA'IMAI'

⁸ I taun ko sampulu'nyomo ka' ualu' na i Yosia nompalentah, nokolapas na ia lewa'mo nongalini bapilogotan madi'mo ko anu nonsombah kiijo' i Laigan nu Tumpu ka' songko-songko na lipu', ia nonsaimo mian aha totolu' da mompokopiani Laigan nu Tumpu Allah. Aha totolu' na mian haha aijo' atina'mo: i Safan anak i Azalya, i Maasyea gobolonun nu Yerusalem, ka' i Yoah anak i Yoahas, mian anu ko pangkatnyo matangkas.

2 TAWARIKH 34:8 ပူးပေါင်းရင်းမြစ်များ

2 SAMUEL 20:24

Anu mongkapalai pakalaja'an opakisa; i Adoram. Anu montoongi doi nu negara; i Yosafat anak i Ahilud.

2 SAMUEL 8:16

Aiya na to mia-mian anu ko pangkatnyo matangkas anu ihangkat i Daud: Talenga' nu suludadu: i Yoab anak i Zeruya; Julutulis nu anu mokalaja i laigan nu tomundo' i Yosafat anak i Ahilud; To ima-imam: i Zadok anak i Ahitub, ka' i Ahimelekh anak i Abyatar; Julutulis nu kalajaan: i Seraya.

1 TAWARIKH 18:15

Aiya na to mia-mian anu toto tangka-tangkas na pangkatnyo anu i hangkatmo i Daud: Talenga' nu suludadu: i Yoab utus tu'a i Abisai. Gulu tulis i laigan nu tomundo': i Yosafat anak i Ahilud. To Ima-imam: i Zadok anak i Ahitub ka' i Ahimelekh anak i Abyatar. Gulutulis nu Negara: i Sausa. Kapala anu monjagai i tomundo': i Benaya anak i Yoyada. To ana-anak mo'ane i Daud montoongi pangkat anu penting i uno nu kapalentahannyo.

2 TAWARIKH 18:25

“Hakop na ia!” na koonyo nu palentah i tomundo Ahab, “ka' boamo na ia hi Amon, anu mompalentah kota ka' hi Yoas anak nu Tomundo.

2 TAWARIKH 24:12

Lapas aijo' i tomundo ka' i Yoyada nombee'mo doi aijo' hi to mia-mian anu mongkapalai kalaja mompokopiani Laigan nu Tumpu aijo'. Lantas mian haha aijo' nontamboimo tukang batu, tukang kau' ka' tukang tutuk pakakas da mombaumo pakalajaan aijo'.

2 TAWARIKH 24:5

To ima-imam ka' mian nu Lewi pinalentahnyomo da mamba hi to mia-mian anu jojoong i to kota-kota' Yehuda molimu' doi hi mian iwi-iwi' bau pompoko'ima'i Laigan nu Tumpu, sataun toka sataun. Ia nompokaumo aha da sampa obau na kalaja aijo'.

YEREMIA 21:1

I Zedekia tomundo' nu Yehuda nonsaimo mae hi belengku i Imam Pasyhur anak i Malkia, tiba i Imam Zefanya anak i Maaseya. Ia nonsaimo mae aha da mompoto'i hi belengku poitaon sumo uuka,

YEREMIA 25:3

“Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 26:24

Panyo uuka aiya kalana balakat tinulunganmo mae i Ahikam anak i Safan, aku i Yeremia madi'mo binee' hi aha mian da'isan da pinatean.

YEREMIA 29:21

Tumpu Anu Mahakuasa, Tumpu Allah Israel nonsisikmo mongkona i Ahab anak momo'ane i Koloya ka' mongkona i Zedekia anak momo'ane i Maaseya anu nompakemo atas sanggo nu Tumpu na nompoto'i hi belemiu hahan anu madi' totu'u. Tumpu notataemo tukoo-Nyo Ia mombee'mo aha hi kakuasa'an i Nebukadnezar tomundo' nu aha Babel, anu saidi' mae mompateije aha i ahop nu mata nu belemiu.

YEREMIA 29:3

Aku nompakatumo sulat da binoakon i Elasa anak i Safan, tiba hi Gemarya anak i Hilkia anu sinai i Zedekia tomundo' nu Yehuda namba hi Nebukadnezar tomundo' nu Babel. Sulat aijo' onyi'nyo,

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEREMIA 39:14

nongalamo aku ipopasan nu laigan nu tomundo'. Lantas aku binee'mo hi Gedalya anak i Ahikam ka' makumpu i Safan, na anu tionyo ahi' momboa aku minsusule' da madi' ko anu mompoposia. Jadi jinojoongmo na aku hi aha mian da'isan.

YEREMIA 40:11

Tempo'nyo aitu iwi-iwi' na mian nu Israel anu jojoong ilipu' Moab, Amon, Edom, tiba ilipu sangga'at nohongomo mae taalu' i tomundo' Babel nompobee'mo sambagian na aha mian nu Israel jojoong i Yehuda ka' mule' taalu' ia nohangkatmo i Gedalya binau gubernur.

YEHEZKIEL 8:11

Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.