2 TAWARIKH 34:6 - KITAB NU TUMPU ALLA LELE MA'IMAI'

⁶ Han anu poka kana sumo aijo' suele binaunyo mule' i to kota-kota ka' to da'e-da'erah anu na'idekmo i da'erah Manasye, Efraim ka' Simeon, toka-toka i Naftali sasu Utara.

2 TAWARIKH 34:6 ပူးပေါင်းရင်းမြစ်များ

2 TAWARIKH 30:1

Molame'akon Paskah ma'isa nupoko ala nu mian da'isan na mombau i bitu'on momona, kalana to ima-imam anu nomposusi'mo butongnyo ma'isa da'isan daagi' talalo sangkiding na sinihuk i Yerusalem. Kalana aijo' i Tomundo Hizkia ka' to mia-miannyo anu ko pangkatnyo ka' mule' mian anu jojoong i Yerusalem sinangaja'mo da molame'akon Paskah aijo' i bitu'onje ko ohua'nyo, ka' mule' aha iwi-iwi' sinanangmo na nohongo tanga'an aijo'. Lantas i tomundo nompakatumo sulat toka hi iwi-iwi' mian, songko-songko Israel ka' Yehuda. Ka' mule' toka hi mian Efraim tiba Manasye. Iwi-iwi' na bansa Israel lengkat pe'e mae hi tulunan i Dan anu i sasu utara toka-toka i Bersyeba sasu selatan, tinangkungnyomo da toka i Laigan nu Tumpu kiijo' i Yerusalem molame'akon Paskah ka' mongadati ka' Tumpu Allah Israel susumo anu tinulismo i atulan i Musa. Ma'isa toho' Paskah i lame'akon sumo aijo'.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

AMSAL 25:18

Monsangka anu madi' totu'u timbali monsilakai, sumomo bajak, malatelu, kabai pana' anu matajom.

YESAYA 7:25

Ka' mule' aita' mae idaerah nu bungkutnyo anu biasanyo okalaja ka' osu'ani, suele uuka aiya tinimbalimo kuhat ka' kinohii'nyomo sahingga mian madi'mo baani na mamba ikiijo'. Tano' aijo' memingguna bau tampat pongototan nu sapi' tiba domba.”