2 TAWARIKH 34:5 - KITAB NU TUMPU ALLA LELE MA'IMAI'

⁵ Lapas aijo' pinapuanmo i Yosia aijo' i mezbah na buku nu to ima-imam anu nontulutimo atulan nu pilogot haha aijo'. Tiba jalan anu binaumo sumo aijo' Yehuda ka' Yerusalem po'ule'mo nonsombah Tumpu.

2 TAWARIKH 34:5 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

YEHEZKIEL 22:24

“O, manusia anu madi' tumuu' batu, poto'imo hi aha mian nu Israel, taalu' tano' nu aha nahumimi'imo kalana aijo' anu notambuha'mo ka' mohukumo aha.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

2 TAWARIKH 34:7

Iwi-iwi na mezbah ka' to pato-patong Asyera anu i songko-songko na Kalaja'an sasu Utara i hobo'akonmo i Yosia, lantas to pato-patongnyo ka' iwi-iwi' na mezbahnyo anu pompapuan kamangian pinahan ideannyomo. Lapas aijo' i Yosia ninsusule'mo namba i Yerusalem.

2 TOMU-TOMUNDO' 23:20

Iwi-iwi' na imam anu mokalaja i tampat ponsomban pilogot pinateannyomo aijo' i to mezbah-mezbah hau-haunyo aha mokalaja. Ka' i toto sa'angu' na mezbah aijo' i Yosia nompapuimo to buku-buku nu manusia. Lapas aijo' ia ninsusule'mo namba i Yerusalem.

2 TOMU-TOMUNDO' 23:16

Lapas aitu i Yosia nosiloimo ka' nontoamo to pia-piangkuka na kubulan aita' i bungkutnyo. Sahingga sinainyomo na mian nongakehi kubulan haha aijo', ka' nombuatakonmo mae to buku-buku ka' pinapuannyomo i mezbah anu hau-haunyo nopapumo aijo'. Sumo aijo' na bau-baunyo na ia nohumimi'imo mezbah aijo'. Sahingga jinadimo na anu u'utu mae toho'mo pinoto'i nu nabi nu Tumpu tempo'nyo i Tomundo' Yerobeam hau-haunyo tinjo-tinjo koko mezbah i sa'angu' na lamean. Lapas aijo' i Tomundo' Yosia nontoamo mule' sa'angu' na kubulan sangga'at.

NOMBILANGMO 35:33

De belemiu mombau sumo aijo' belemiu mohumimi'imo tano' kajojoongan nu belemi. Han mompatei aijo' mohumimi'imo lipu'. Jadi madi' ko jalan sangga'at na mompobelesi lipu' aijo' de misa' jalan mombubut nyawa nu anu nompateimo.

2 TAWARIKH 34:33

To pilo-pilogot anu toto henyu-henyu anu kiijo' i iwi-iwi na tampat anu minsoop da'erah nu Israel, iwi-iwi' ingideanmo i Tomundo Yosia. Lantas pinokemannyomo da iwi-iwi' na mian monsombahmo Tumpu, Tumpu Allah nu mompolee' nu aha. Sahingga tempo'nyo i Yosia daagi' tutuu', mian da'isan saja'mo sabole-bole tinulu-tulutan hi Tumpu.