2 TAWARIKH 34:4 - KITAB NU TUMPU ALLA LELE MA'IMAI'

⁴ Patong ka' bapilogotan haha aijo' ingideanmo nu suludadu i Yosia lantas abu'nyo kinakambuhakonmo nu aha i pinolamunan to mia-mian anu nonsombahkonmo koloban hi to pilo-pilogot haha aijo'. Sinin na mezbah nu Baal ka' mezbah pompapuan kamangian anu daagi' i kiijo' i hobo'akonmo nu aha.

2 TAWARIKH 34:4 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

2 TAWARIKH 14:5

Iwi-iwi' na tampat ponsomban pilogot ka'tampat pompapuan kamangian anu i uno nu iwi-iwi' na kota Yehuda pinaha alinanyomo. Sahingga madi'mo lewa' ko anu mompoposia kalaja'annyo aijo', tempo'nyo ia na nompalentah.

2 TAWARIKH 30:14

Iwi-iwi' na mezbah i Yerusalem anu opake monsombahkon koloban ka' pompapuan kamangian osombahkon hi to pilo-pilogot iwi-iwi' ingalamo iwi-iwi' ka' ingalinmo i Bangka'nyo nu Kidron.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

2 TAWARIKH 33:22

Ia suele binaladosa'mo hi Tumpu susumo tuumanyo. Ia nonsombahmo iwi-iwi na pilogot anu sinombahmo nu tuumanyo, ka' nonsombahkonmo koloban hi to pilo-pilogot haha aijo'.

2 TAWARIKH 33:3

Tampat bau ponsombaan pilogot anu ingideanmo i Hizkia tuumanyo, po'ule' mule' binaunyo. Ia nombaumo to mezbah-mezbah bau ponsomban Baal, ka' mule' ia nombaumo patong nu Pilogot boune Asyera ka' mule' nonsombahmo mandala'.

2 TAWARIKH 34:33

To pilo-pilogot anu toto henyu-henyu anu kiijo' i iwi-iwi na tampat anu minsoop da'erah nu Israel, iwi-iwi' ingideanmo i Tomundo Yosia. Lantas pinokemannyomo da iwi-iwi' na mian monsombahmo Tumpu, Tumpu Allah nu mompolee' nu aha. Sahingga tempo'nyo i Yosia daagi' tutuu', mian da'isan saja'mo sabole-bole tinulu-tulutan hi Tumpu.

2 TAWARIKH 34:7

Iwi-iwi na mezbah ka' to pato-patong Asyera anu i songko-songko na Kalaja'an sasu Utara i hobo'akonmo i Yosia, lantas to pato-patongnyo ka' iwi-iwi' na mezbahnyo anu pompapuan kamangian pinahan ideannyomo. Lapas aijo' i Yosia ninsusule'mo namba i Yerusalem.

MAZMUR 18:42

Aha nolobo'mo momoita tulung, panyo madi' ko anu nontulungi aha nongkakasemo hi Tumpu, panyo Ia madi' nontaami mae.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

NOSABATMO 32:20

Lapas aijo' ingalanyomo na patong sapi' anu binau nu aha mian Israel haha aijo', ingideannyo, pinahanguja'akonnyo sampe nohimpunyu susumo abu', lantas ginalo'akonnyomo i uee. Lapas aijo' pinokaunyomo na aha mian nu Israel da monginum.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.

PO'ULE' INGULIT 9:21

Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.