2 TAWARIKH 34:1 - KITAB NU TUMPU ALLA LELE MA'IMAI'

¹ I Yosia umunnyo 8 taunmo tempo'nyo aitu ia tinimbalimo tomundo nu Yehuda, ka' ia nompalentahmo i Yerusalem 34 na taun na kinopinnyo.

2 TAWARIKH 34:1 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

2 TOMU-TOMUNDO' 23:1

I Tomundo' Yosia nolagamo iwi-iwi' na to pola-polaya' nu Yehuda tiba Yerusalem.

2 TAWARIKH 24:1

I Yoas umunnyo 7 mo na taun tempo'nyo ia binaumo tomundo nu Yehuda, ka' ia nompalentahmo i Yerusalem pinatompulu' na taun na kinopinnyo. Tinanyo sanggonyo i Zibya mian nu kota Bersyeba.

2 TAWARIKH 26:1

Salatan i Amazia sinilakamo, iwi-iwi' na mian da'isan nu aha Yehuda nompile'imo i Uzia anaknyo momo'ane na binau tomundo. Tempo'nyo aitu umunnyo 16 mo na taun. Sanggo nu tinanyo i Yekholya, boune mian nu aha Yerusalem. I Uzia nompalentah I Yerusalem 52 na taun na kinopinnyo. Ia na nongala ka' po'ule' nombau kota Elot.

2 TAWARIKH 33:1

I Manasye tempo'nyo 12 taunmo na umunnyo ia tinimbalimo tomundo nu Yehuda, ka' ia nompalentahmo Yerusalem 55 na taun na kinopinnyo.

2 TAWARIKH 33:25

Panyo mian da'isan nu Yehuda nompateimo to mia-mian anu nompateimo i Tomundo Amon aijo', lantas nohangkatmo i Yosia anaknyo binau tomundo.

ANU MOMPOLELE POTATAE NU TUMPU 4:13

Mian kasiasi timbali jadi tomundo, ka' samian na anu tinalungku' timbali o hangkat mokiita i kasuhangan nu tomundo. Panyo de umunnyo matangkasmo hondo tomundo aijo' talalo ahi' ponga' de montalima pokinde', saba' nasibnyo lebe ma'idek molingkudui olitau anu kasiasi panyo pande.

YEREMIA 1:2

Tumpu notatae hi Yeremia itaun kinosampulu'nyomo ka' totolu' nu i Yosia nompalentah anak i Amon tomundo' nu aha Yehuda.

YEREMIA 25:3

“Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

ZEFANYA 1:1

I Zefanya anak i Kusyi. Lundu-lunduannyo nu tulunannyo lengkat hi Kusyi de otundun sule-sule' aijo'mo i Kusyi, i Gedalya, i Amazia tiba i Tomundo' Hizkia. Sumo uuka na potuunon nu Tumpu hi Zefanya tempo'nyo i Tomundo' Yosia anak i Amon nompalentahmo aha i Yehuda.

MATIUS 25:16

Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.

1 SAMUEL 2:26

Panyo anak aijo' i Samuel kino daka-daka'nyomo ka' nompaka kinaima'anmo nu Tumpu ka manusia ka' iwi-iwi' na mian.