2 TAWARIKH 33:7 - KITAB NU TUMPU ALLA LELE MA'IMAI'

⁷ Patong nu pilogot pino'una'nyomo i uno nu Laigan nu Tumpu, padahan tampat aijo' polo'mo pinoto'i nu Tumpu Allah hi Daud ka' hi Salomo anaknyo momo'ane, “Laigan-Ku i Yerusalem aiya, anu pinile'an-Kumo hi anu sampulu' ka' ohua' na da'erah tulunan nu aha Israel aijo'mo na tampat anu tinantukanmo bau tampat ponsomban Aku sampe toka sidu-sidutu'.

2 TAWARIKH 33:7 ပူးပေါင်းရင်းမြစ်များ

1 TOMU-TOMUNDO' 11:13

Panyo madi' songko-songko na kalajaa aijo' Ku ala hi ia. Kalana monginau' posaihon-Ku i Daud ka' mule' monginau' Yerusalem anu binaung-Kumo kota'Ku aijo' sahingga daagi Ku potuha'i sa'angu' na tulunan nu bansa da nu palentah nu anak nu beleyum momo'ane.”

1 TOMU-TOMUNDO' 11:32

Sa'angu' na tulunan nu bansa tataap hi Salomo, kalana monginau' posaihon-Ku i Daud tiba Yerusalem anu pinile'an-Kumo ilipu' nu aha Israel songko-songko ka' binaumo kota'-Ku.

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 8:29

Ku taha'imani sinaa ka' pihi Belento montoakon mae Laigan aiya anu pinile'anmo nu Belento salaku tampat ponsomban Belento. Ku taha'imani lengkat mae i kajojoongan nu Belento i Suluga' Belento mompotombihingakon mae ka' mongampuni aku ka' mian anu pinalesayamo hi Belento de kami tokamo mae i laigan aiya ka' balado'a hi Belento.

1 TOMU-TOMUNDO' 8:44

De Belento mompalentahmo mian anu pinalesayamo hi Belento da mambamo mahampate mongewa sampo bali', maumo pa' iya mae na kajojoongan, aha mo'ahop mae i kota anu pinile'anmo nu Belento aiya ka' balado'a mompatui mae laigan aiya anu binaungkumo ponsomban Belento.

1 TOMU-TOMUNDO' 8:48

De ilipu' aijo' aha sanaangmo ka' totu-totu'umo na kinyonyoa nu aha mompala'imo to dosa-dosa' nu aha ka' balado'amo hi Belento mongahopi mae lipu' aiya anu binee'mo nu Belento ka' laigan ponsomban anu binaungkumo ponsomban Belento aiya.

1 TOMU-TOMUNDO' 9:3

Tumpu nompoto'i hi ia, “Do'a nu beleyum i hongong-Kumo ka' tiba jalan aiya Laigan anu binaumo nu beleyum aiya, uuka aiya Ku poto'imo timbalimo tampat samata-mata bau ponsomban Aku sampe toka sidu-sidutu'. Saja'mo-Ku toa ka' Ku jagai na tampat aiya.

2 TOMU-TOMUNDO' 23:6

Patong Pilogot boune Asyera anu kiijo' i Laigan nu Tumpu sinabatakonnyomo, ka' binoanyomo i Bangka'nyo nu Kidron i sambiha' nu kota'. I kiijo' mae na pinompapuian patong haha aijo', lantas buhingnyo inguja'mo sahingga nohimumu'mo hondo-hondo, ka' abu'nyo kinakambuhakonmo i kubulan nu mian da'isan.

2 TAWARIKH 33:15

Pinaha alinannyo na to pato-patong nu pilogot anu nu bansa sangga'at ka' mule' to pilo-pilogot anu pino'una'nyomo i Laigan nu Tumpu. Pinaha tatakannyomo na mezbah nu pilogot anu binau i bungkutnyo kiijo' i Laigan nu Tumpu, ka' i tampat pa' iyaya mae sangga'at i Yerusalem. Iwi-iwi' aijo' pinahaboanyomo i sambiha' nu kota' ka' ingalinnyomo.

2 TAWARIKH 33:4

Pinoto'imo nu Tumpu tukoonyo sampe toka sidu-sidutu' Yerusalem aijo'mo na tampat ponsomban Ia. Panyo kiijo' mae i Laigan nu Tumpu aijo', binaumo i Manasye na mezbah bau ponsomban to pilo-pilogot.

2 TAWARIKH 7:16

Iwi-iwi' aijo' tionyo ahi ku bau kalana tampat aiya pinile'an-Kumo ka' tinantukan-Kumo bau samata-mata timbali tampat ponsomban Aku sampe toka sidu-sidutu'. Aku sabole-bole mompalahatikan ka' monjagai sampe toka sidu-sidutu'.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

YEREMIA 7:30

Aha mian nu Yehuda nombaumo palabuatan anu ma'idek. Pilogot nu aha anu singkap Ku ka'ideki aijo' pinaha po una'mo nu aha i uno nu Laigan-Ku sahingga nohenyuimo.

TO MIA-MIAN KOPIAN 17:3

I Mikha nonsule'akonmo doi aijo' hi tinanyo, lantas koonyo nu tinanyo, “Da beleyum anakku, madi' nu kona nu kutuk anu tinaloakonkumo aijo' ku sombahkonmo na doi salaka aiya hi Tumpu da obau patong kau' anu olapisi nu salaka. Jadi doi aijo' ku sule'akonmo hi beleyum.”