2 TAWARIKH 33:18 - KITAB NU TUMPU ALLA LELE MA'IMAI'

¹⁸ Sisikon sangga'at mongkona i Manasye, ka' mongkona do'anyo hi Tumpu Allah, ka' mule' apa-apaa na anu pinoto'imo nu Tumpu Allah hi ia, nu to nabi-nabi lengkat mae hi Tumpu, Tumpu Allah Israel na nompokau to nabi-nabi da mompoto'i hi aha, iwi-iwi' tinulismo i kitab Sisikon nu to Tomu-tomundo Israel.

2 TAWARIKH 33:18 ပူးပေါင်းရင်းမြစ်များ

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

AMOS 7:12

Lantas i Amazia notataemo hi Amos, “O nabi, pinsusule'mo i Yehuda! Balahotbamo ikiijo' mae. Nu bee'ije nu aha anu okaan na beleyum!

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

2 TAWARIKH 20:34

Sisikon sangga'at mongkona i Yosafat, lengkat pe'e mae momonanyo sampe ia madi'mo nompalentah tinulismo i Tundulan mongkona i Yehu anak i Hanani anu tinulismo i kitab Sisikon nu to Tomu-tomundo Israel.

MIKHA 3:7

To mia-mian anu lewa' mongkila-kila sinaa anu aiya mae i ahop ma ambangmo kalana anu lewa' kinila-kilanyo madi' totu'u. Aha iwi-iwi' madi'mo daagi' opalesaya kalana Tumpu madi'mo montaami aha.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

2 TAWARIKH 33:10

Tumpu nompisala'imo i Manasye tiba miannyo anu nu palentah, panyo aha madi' mohongo-hongo.

2 TAWARIKH 32:32

Sisikon sangga'at mongkona i Tomundo Hizkia ka' han ia mongka'ima'i Tumpu tinulismo i uno nu kitab Anu Montutuhakon apaa na pinoto'i nu Tumpu Allah Hi Nabi Yesaya Anak i Amos, ka' i kitab Sisikon nu to Tomu-tomundo Yehuda ka' Israel.

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

1 TOMU-TOMUNDO' 15:31

Sisikon sangga'at mongkona i Nadab, tinulismo i kitab Sisikon nu to Tomu-tomundo' Israel.

1 TOMU-TOMUNDO' 14:19

Sisikon sangga'at mongkona i Tomundo' Yerobeam monsisikakon ia nompalentah ka' nahampate ia na nongkapalai tinulismo i kitab anu Monsisikakon to Tomu-tomundo' nu Israel.

1 SAMUEL 9:9

“Sumo itina'mo!” Na tinaaman i Saul, “Imbo' kita mambamo.” Lantas aha nambamo i kota kajojoongan nu posaihon nu Tumpu Allah aijo'. Salatan aha nindakomo i bungkutnyo anu mompanjolongimo kota' aijo', siningkabotmo na aha tiba to pia-piangkuka na langkoyang anu mambamo montauk uee i bubung. Lantas pinokilawamo nu aha hi langkoyang anu mamba montauk uee i bubung. Lantas pinokilawamo nu aha hi langkoyang haha aijo', “Pa' ko anu monsubmu' montahi'i kiijo' i kota?” (Tempo'nyo aijo' samian na nabi osanggohi anu monsumbu' montahi'i, jadi de ko samian mongkahanda'i mompokilawa apa-apaa hi Tumpu Allah, ia motatae sumo uuka, “Imbo' da kita mamba hi mian anu monsumbu' montahi'i.”)

1 TOMU-TOMUNDO' 11:41

Sisikon sangga'at mongkona i Salomo ka' iwi-iwi' na anu binaunyomo ka' mule' mongkona kapandeannyo tinulismo i kitab Sisikon Kantumuu'an i Salomo.

2 TAWARIKH 21:2

I Yehoram anak mo'ane i Yosafat, tomundo nu aha Yehuda, ko utusnyo to momo'ane: i Azarya, i Yehiel, i Zakharia, i Azariahu, i Mikhael, tiba i Sefaca.