2 TAWARIKH 33:16 - KITAB NU TUMPU ALLA LELE MA'IMAI'

¹⁶ Lapas aijo' pinokopianannyomo na mezbah tampat ponsomban Tumpu, lantas nonsombahkonmo kiijo' koloban anu bau pompodame ka' koloban bau pontalima kase. Iwi-iwi' na mian nu Yehuda pinoto'inyomo da monsombah Tumpu Allah Israel.

2 TAWARIKH 33:16 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

1 TOMU-TOMUNDO' 18:30

Lantas pinoto'imo i Elia hi mian da'isan haha aijo' iwi-iwi', “Imbo' po'uka mae oha-ohani.” Aha iwi-iwi' nokiijo' mo nontikubi ia, lapas aijo' pinoko'ima'annyomo na mezbah nu anu nohobo'mo.

2 TAWARIKH 14:3

Pinaha alinannyomo iwi-iwi' na mezbah nu bansa sangga'at ka' iwi-iwi' na tampat ponsomban pilogot. Anu lewa' ototon pontandai pilogot pinaha ideannyomo, ka' to pato-patong nu pilogot Boune Asyera tinua'akonnyomo.

2 TAWARIKH 14:4

Mian da'isan nu aha Yehuda lewa'mo pinoto'inyo da tumuu' mombatuki pongka'oho' nu Tumpu, Tumpu Allah nu mompolee' nu aha, ka' tulu-tulutan hondo i pangajalan ka' palentah-Nyo iwi-iwi'.

2 TAWARIKH 29:18

Lantas mian nu Lewi haha aijo' nompoto'imo hi Tomundo Hizkia, “Kami noko posusi'mo Laigan nu Tumpu iwi-iwi', tibamo mezbah anu pompotunuan koloban, meja' bau pompotimpasan roti anu osombahkon, ka' iwi-iwi' na pakakasnyo.

2 TAWARIKH 29:31

Ilapas na aijo' pinoto'imo i Hizkia, “Kalana belemiu uuka aiya pinosadiamo samata-mata mokalaja hi Tumpu, sahingga anu osombahkon salaku pontalima kase nu belemiu, belemiu tionyo ahi' momboa mae koloban i Laigan nu Tumpu.” Lantas iwi-iwi' na mian anu i kiijo' nomboamo anu osombahkon haha aijo', ka' daagi' mule' suele ko mian nomboa kasanangan nu kinyonyoanyo binatang anu osombahkon salaku koloban anu opotunu.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

2 TAWARIKH 33:9

I Manasye nonsaduakonmo mian da'isan nu Yehuda sahingga nombaumo iwi-iwi na dosa' anu lebe ma'idek nolingkuduimo dosa' anu binaumo nu to bansa-bansa anu i laa'mo nu Tumpu nompala'i Kana'an tempo'nyo mian anu pinalesayamo hi Tumpu nompinsoopimo lipu' aijo'.

LUKAS 22:32

Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”