2 TAWARIKH 32:8 - KITAB NU TUMPU ALLA LELE MA'IMAI'

⁸ Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

2 TAWARIKH 32:8 ပူးပေါင်းရင်းမြစ်များ

2 TOMU-TOMUNDO' 18:5

Kalana aha, to tomu-tomundo' iwi-iwi' i Yehuda mau anu ma'isa pe'e kino i Hizkianyo kabai anu nombolosakonje ia madi' ko anu pokakana sumo ia. Ia palesaya hi Tumpu, Tumpu Allah nu aha Israel, ka' tulu-tulutan hi Ia.

2 TOMU-TOMUNDO' 6:16

“Boli mabuhuk,” na koonyo i Elisa, “Anu monsangaja'i kita na lebe manjoo' molingkudui anu monsangaja'i aha.”

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 14:10

Sahingga nambamo na i Asa nongahopi i Zerah, ka' ua'aha aijo' bubu'mo nongatun suludadu nu aha i Bangka'nyo nu Zefata koko Meresa.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

2 TAWARIKH 20:15

ka' ia nompoto'imo, “Belento Mian Daka' Anu Talasanggo ka' to utu-utus iwi-iwi'. Koonyo nu Tumpu, boli belemiu bata-bata kabai mabuhuk na mongewa suludadu anu da'isan haha aijo'. Kalana anu mahampate misa' belemiu, panyo Tumpu Allah.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

2 TAWARIKH 32:15

Boli mompojohok tomundo nu belemiu aijo' mongakali ka' mompoponga' belemiu! Boli opalesaya na ia! Kalana madi' toho' pilogot maumo pa' bansa iya mae na moko ala mompobebas bansanyo da madi' kinasusa'an nu tomundo Asyur. Tantu sumo aitumo na pilogot nu belemiu aijo' suele madi' moko ala mompobebas belemiu!”

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 118:8

Sahanyo mihohung hi Tumpu, ka' de mule' ola montakabunakon manusia.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

AMSAL 12:25

Mongoa'i bata-bata mombau da madi'mo na mian ko gia' apa-apaa; panyo potatae anu ma'ima' timbali mongkakeha' kinyonyoa.

YESAYA 30:32

Hau-haunyo aha molasaimo pondoke-Nyo, mian anu palesayamo hi Tumpu na balasanang-sanang ahi' nu musik tiba gandang ka' mule' kasapi'. Tumpu na mahampate mongewa mian nu Asyur.

YESAYA 31:3

Aha mian nu Mesir ola mian misa' Tumpu. Ajahan nu aha ola binatang biasa, misa' sumo pikilan nu Tumpu. De Tumpu mombaumo anu nu bau bansa, anu nontulungimo aijo' tosumpunmo ka' mule' bansa anu nu tulungi aijo' tondahapamo. Sahingga aha ohu-ohua' aijo' silakamo.

YESAYA 36:18

Boli mohongo i Hizkia! Ia ola mongakali belemiu nu potataenyo tukoonyo Tumpu na momposalamatmo belemiu. Tetoho'mo kino pilogot nu bansa sangga'at timbali momposalamat lipu'nyo da madi' ku kuasai?

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 17:5

Tumpu notatae, “De mian mompala'imo Aku, Tumpunyo, ka' montaha'imanimo manusia ka' mule' montaha'imanimo kahosonannyo, saba' Ku hukumo na ia.

YEREMIA 42:11

Bolimo daagi' mongkabuhuk itomundo' Babel ai-aijo'. Aku atina'mo hingga-hinggat hi belemiu ka' montulungimo ka' molapasakonmo belemiu da bolimo nu kuasai nu Babel.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

SISIKON NU TO RASUL-RASUL 18:10

Kalana Aku monsangalui beleyum. Madi' ko samian pe'e na anu moko ala mombau anu ma'idek hi beleyum kalana da'isan na mian i kota' aiya, te to mia-mian-Ku.”

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

PO'ULE' INGULIT 20:4

Nusangaluije nu Tumpu Allah na belemiu ka' montulungi belemiu, ka' nu bee'je hi belemiu na ka'untungan de mahampate.’

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

1 YOHANES 4:4

Panyo to Ana-anakku komiu anumo nu Tumpu. Komiu nohungku'imo to nabi-nabi anu madi' totu'u kalana Roh anu daagi' hi belemiu lebe daka' na kuasanyo molingkudui roh anu daagi' hi to mia-mian anu kinuasanmo nu dunia aiya.

1 SAMUEL 17:45

Panyo tinaaman i Daud, “Beleyum toka mae mongewa aku nu bajak tiba talombo', ka' sosuduk panyo aku toka mae mongewa beleyum tiba sanggo nu Tumpu Anu Daka' na kuasanyo, Tumpu Allah nu suludadu nu aha Israel anu pinopo ambangmo nu beleyum aijo'.