2 TAWARIKH 32:25 - KITAB NU TUMPU ALLA LELE MA'IMAI'

²⁵ Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

2 TAWARIKH 32:25 ပူးပေါင်းရင်းမြစ်များ

2 SAMUEL 24:1

Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

2 TOMU-TOMUNDO' 14:10

Belento Amazia kinobubuunmo kalana belento nompatundu'mo mian nu Edom. Jadi te misa' ka'untungan nu belento nahampate atina' sinukupmo ahi'? Lebe ma'ima' belento atina' me ahi' jojoong i laigan! Apaa na daagi' ko gunanyo lewa' molio palakala anu ola monsilakai butong nu belento ka' mian da'isan anu nu palentah?”

2 TOMU-TOMUNDO' 20:12

Tempo'mo aitu na i tomundo' Babel, aijo'mo i Merodakh-Baladan anak i Baldan nohongomo lele i Tomundo' Hizkia sala'je na'alin i sakitnyo. Sahingga ia nonsaimo mian da momboa sulatnyo ka' palasen obee' hi Hizkia.

2 TOMU-TOMUNDO' 20:13

I Hizkia nolabotmo ma'i-ma'ima' mian haha aijo' ka' pinotoanyo na kakaya'annyo aijo'mo mosoni' ka' salaka, to lampa-lampa, ka' minya-minya' ka' iwi-iwi' na talakonan nu suludadunyo. Iwi-iwi' apaa na anu kiijo' i laigan nu tomundo' ka' anu i songko-songko na kalaja'annyo pinaha potoanyomo hi aha madi' ko anu madi' pinotoanyo.

1 TAWARIKH 21:1

Ibilis kahanda'mo monsilakai aha mian nu Israel; kalana aijo' pagalamo sinale'annyo na i Daud da obilangmo na mian.

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.

2 TAWARIKH 25:19

Beleyum Amazia, kobubuunmo tukooyum beleyum mompatundu'mo mian nu Edom, panyo lebe ma'ima' beleyum jojoongmo i laigan. Apaa na gunanyo lewa' molio palakala anu ola monsilakai butong nu beleyum ka' mian anu nu palentah?”

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

2 TAWARIKH 32:31

Ka' tempo'nyo to mia-mian anu sinai mae lengkat i Babel tinoka nompokilawa mosia ka' po'ule' na'alin, kalana ia na'alin aijo' memang okahelani hondo, Tumpu nompojohokmo i Hizkia mosi batanga' da o uji' na kinyonyoanyo.

YESAYA 39:1

Tempo'mo aijo', na tomundo' nu Babel aijo'mo i Merodakh Baladan anak i Baladan nohongo mae i Tomundo' Hizkia sala'je na alin isakitnyo. Sahingga ia nonsaimo mae mian nomboa mae sulat ka' mule' palasena nu obee' hi Hizkia.

YESAYA 39:2

I Hizkia nolabotmo aha anu sinai mae aijo' ka' sinanangmo hondo na kinyonyoanyo ka' nompotoamo iwi-iwi na kakaya'annyo aijo'mo mosoni', tiba salaka, to lampa-lampa, ka' mule' minya-minya' ka' mule' iwi-iwi' na suludadunyo anu pinosadiannyomo. Madi' ko sa'angu' pe'e anu i uno nu laigan nu tomundo' ka' isongko-songko na kalaja'annyo na madi' pinotoanyo hi aha aijo'.

YEHEZKIEL 28:17

Ohup nu beleyum anu ontinganan atina' nonsaduakonmo beleyum sahingga kinobubuunmo ka' kalana beleyum tinalasanggomo atina'mo na nonsaduakon beleyum sahingga pinonga'mo na binalatanga'. Mokonyo aijo' beleyum Ku sapahakonmo itano' ka' Ku pojadimo salaku sonto' hi aha to tomu-tomundo' sangga'at'.’ ”

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:5

Memang beleyum pande na badagang ka' uuka aiya kinayamo hondo, ka' kakaya'an nu beleyum atina' nonsaduakonmo beleyum da kinobubuunmo!’ ”

YEHEZKIEL 31:10

Kalana aijo' Aku, Tumpu Anu Matangkas na Kuasanyo mompoto'imo hi beleyum apaa na anu jadi saidi' mae hi kau' anu tuu'nyo toka-tokamo i kundom aijo'. Kalana de talalomo matangkas, talalomo mule' ahi' mompakabuulon na ia.

DANIEL 11:12

Lapas aijo' ia sanangmo kalana inguntungmo na nahampate ka' kalana nonsilakaimo manjoo' hondo na sampobali' panyo ia madi' ahi' saja'mo balakuasa.

DANIEL 5:20

Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.