2 TAWARIKH 32:22 - KITAB NU TUMPU ALLA LELE MA'IMAI'

²² Sumo aijo' na balu-balu'nyo Tumpu nompobebas i Tomundo Hizkia ka' mian anu jojoong i Yerusalem da madi'mo nukuasai i Sanherib tomundo nu Asyur ka' sampo bali' nu aha sangga'at. Binee'anmo nu Tumpu kantumuu'an anu ma'ima' na aha ka' madi'mo ko kalaja'an sangga'at anu mompaha ohani mompoposia aha.

2 TAWARIKH 32:22 ပူးပေါင်းရင်းမြစ်များ

2 TOMU-TOMUNDO' 19:30

Mian nu Yehuda anu daagi' tumuu' timbalimo sanang susumo sosu'anon anu maleeng hondo na bakatnyo ka' mimbua'mo.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

MAZMUR 144:10

Belento nompo'untungmo to tomu-tomundo' nahampate, ka' nompobebasmo i Daud posaihon nu Belento.

MAZMUR 48:14

Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

MAZMUR 73:24

Belento na lewa'mo nolaya aku nu pokinde' ka' saidi' mae nu talima na aku nu kaholomatan.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.

1 SAMUEL 14:23

Aha nahampate nontuusakon jalan tinoka-toka noliu-liu Bet-Awen. Tumpu nomposalamatmo Israel sinaa aitu.