2 TAWARIKH 32:15 - KITAB NU TUMPU ALLA LELE MA'IMAI'

¹⁵ Boli mompojohok tomundo nu belemiu aijo' mongakali ka' mompoponga' belemiu! Boli opalesaya na ia! Kalana madi' toho' pilogot maumo pa' bansa iya mae na moko ala mompobebas bansanyo da madi' kinasusa'an nu tomundo Asyur. Tantu sumo aitumo na pilogot nu belemiu aijo' suele madi' moko ala mompobebas belemiu!”

2 TAWARIKH 32:15 ပူးပေါင်းရင်းမြစ်များ

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

2 TOMU-TOMUNDO' 18:29

'Boli belemiu mongka'oho' nu akali i tomundo' Hizkia; ia madi' moko ala momposalamat belemiu.

2 TOMU-TOMUNDO' 19:10

Sumo uuka na onyi' nu sulat aijo', “Boli nu akali nu palajanjian nu Tumpu Allah anu otakabunakon nu belemiu aijo', au'aitu belemiu madi' ku poko ala kupatundu'.

2 TAWARIKH 32:11

Pa' pinoto'imo i Hizkia tukoonyo Tumpu Allah nu belemiu na mompobebas belemiu da boli okuasai mami? Boli mompalesaya, kalana ia ola mongakali belemiu. Ia ola mompojohok belemiu da mate nu ohop ka' mate nu megot.

2 TAWARIKH 32:16

Daagi' manjoo' na potatae sangga'at anu tinaloakonmo nu mian Asyur anu sinai mae aijo', aijo'mo potatae bau pompopo'ambang Tumpu Allah ka' pompopo'ambang i Hizkia, posaihon nu Tumpu aijo'.

NOSABATMO 10:10

Notataemo na i tomundo, “Madi' aku mompobee' belemiu momboa to bou-boune ka' to ana-anak nu belemiu! Anu opoita nu belemiu atina' pokakanamo belemiu monggagan da aku momoita hi Tumpu mombalakati belemiu. Sinumbu'kumo na belemiu taalu' ko tanga'an ma'idek.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

YESAYA 36:18

Boli mohongo i Hizkia! Ia ola mongakali belemiu nu potataenyo tukoonyo Tumpu na momposalamatmo belemiu. Tetoho'mo kino pilogot nu bansa sangga'at timbali momposalamat lipu'nyo da madi' ku kuasai?

YEHEZKIEL 35:13

O bansa Edom, belemiu manjoo' na potatae, ka' motatae buulon hi beleng-Ku. Iwi-iwi' aijo' ihongong-Kumo.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.