2 TAWARIKH 31:18 - KITAB NU TUMPU ALLA LELE MA'IMAI'

¹⁸ Aha iwi-iwi' dinaputanakonmo tiba to ana-anak ka' bengkele' nu aha, ka' mian sangga'at anu daagi' hi aha salaigan, kalana aha suele otuntut sabole-bole mombau kalaja anu tinantukanmo tionyo nubau nu aha anu samata-mata mokalaja anu osombahkon hi Tumpu.

2 TAWARIKH 31:18 ပူးပေါင်းရင်းမြစ်များ

1 TAWARIKH 9:22

Iwi-iwi' na mian anu pinile'anmo monjagai sabatan daka' iwi-iwi' aha 212 na mian. Aha dinaputanakon pinosi po'iwi' na nontulis i posi-posi kampung kajojoongan nu aha toto samian. Mompolee' nu aha suele binee'an kalaja i Tomundo' Daud susumo aijo' tiba i Nabi Samuel.

2 TAWARIKH 31:15

I to kota'-kota' sangga'at anu kajojoongan nu to ima-imam, i Kore nu tulungi nu to mia-mian nu Lewi sangga'at aijo'mo: i Eden, i Minyamin, i Yesua, i Semaya, i Amarya, tiba i Sekhanya. Balang anu o kaan aijo' obagi pokakana hi aha bubuu' tulunan nu aha bansa Lewi, mau anu langkai'mo kabai anu daagi' Olitau otoa i kalaja anu nubau nu aha ka' otoa i gombuan nu aha.

2 TAWARIKH 31:17

To ima-imam anu aha sa'anakan mae pinosi daputanakon, ka' mian nu Lewi anu umunnyo 20 mo na taun mokiita' pinosi daputanakon otoa ikalajanyo anu nubau nu aha ka' mule' otoa i gombuan nu aha.

2 TAWARIKH 31:19

Lee' mae i Harun na to ima-imam anu jojoong iyaya mae na kota ka' iyaya mae na padang anu madi' majo'on i kota' haha aijo' binee'anmo kalaja mombagi-bagiakon anu o kaan hi iwi-iwi' na to momo'ane anu minsoop hi auawan nu to ima-imam ka' ka' hi batu-batu mian anu dinaputanakon na tulunan nu aha Lewi.

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.