2 TAWARIKH 30:27 - KITAB NU TUMPU ALLA LELE MA'IMAI'

²⁷ To ima-imam ka' mian nu aha Lewi nompoitamo da nu balakati nu Tumpu na aha mian da'isan ka' da kiita' mae i suluga' kajojoongan-Nyo Tumpu Allah mohongoakon mae do'a nu aha ka' mohalala'akon mae apaa na anu nupoita nu aha.

2 TAWARIKH 30:27 ပူးပေါင်းရင်းမြစ်များ

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

2 TAWARIKH 23:18

Lantas i Yoyada nombee'imo kalaja to ima-imam ka' mian nu Lewi da mongulus kalaja i Laigan nu Tumpu susumo anu binagimo ka' tinantukanmo na kalaja daagi' pe'e tempo'nyo i Tomundo Daud. Aha tionyo ahi' monsombahkon koloban anu opotunu hi Tumpu – pokakana sumo to atu-atulan i Musa – ka' olame'akon ka' onyanyiakon pokakana sumo anu ingatunmo i Daud.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

NOSABATMO 39:43

I Musa nompalesamo iwi-iwi' ka' tinoanyomo taalu' aha nombaumo madi' sinala' susumo anu pinalentahkonmo nu Tumpu. Lantas binalakatanmo i Musa na aha.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 26:15

I tampat nu belento anu susi' i suluga' sanangmo pe'e mae ahi' na kinyonyoa nu belento montoa ka' mombalakati mae mian nu Israel anu pinalesayamo hi bebelento; balakatiakon mae suele na lipu' anu kaya ka' ma'omuk anu binee'mo nu belento hi kami susumo anu jinanji'mo nu belento hi mompolee' mami.’ ”