2 TAWARIKH 30:22 - KITAB NU TUMPU ALLA LELE MA'IMAI'

²² To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

2 TAWARIKH 30:22 ပူးပေါင်းရင်းမြစ်များ

KAJADIAN 50:21

Boli bata-bata. Ku bee'ije apaa na anu opalalui nu belemiu ka' suele anu opalalui nu to ana-anak miu.” Sumo aijo' na ia notatae pagala nonsale'i ka' nohase aha sahingga aha nolibosmo.

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

2 TAWARIKH 17:9

Aha namba noyaya nomboamo kitab Atula nu Tumpu nu aha, binoa i iwi-iwi' na kota i da'erah Yehuda ka' nompogulu'mo mian da'isan kiijo' mae.

2 TAWARIKH 32:6

Ia nohangkatmo to sulu-suludadu anu toto tangka-tangkas na pangkatnyo da mongkapalai to momo'ane iwi-iwi' anu i uno nu kota' ka' nompalentahmo aha da sihuk mae itanah lapang i ahop nu Sabatan daka' nu kota. Lantas pinoto'inyomo hi aha,

2 TAWARIKH 35:3

To mia-mian nu Lewi anu binee'anmo kalaja samata-mata mombau anu nu palentahkon nu Tumpu, ka' anu tinimbalimo to gulu-gulu' nu aha Israel nohumpak palentah sumo uuka hi Yosia, “Po'una' na Peti' palajanjian nu Tumpu anu susi' aijo' i Laigan nu Tumpu anu binaumo i Tomundo Salomo anak i Daud anu momo'ane. Madi'mo daagi' timbali lewa' olali-lalin nu belemiu. Obau apaa na anu nu palentahkon nu Tumpu Allah nu belemiu ka' bansa Israel mian anu pinalesayamo hi Ia.

EZRA 10:11

Kalana aijo' akuimo na dosa' nu belemiu hi Tumpu, Tumpu Allah anu nusombah nu mompolee' to ka' obau apaa na anu momposanang kinyonyoa nu Tumpu. Opimpali na mian nu aha salipu'an anu jojoong i lipu'to, ka' laa'mo na to bengke-bengkele' nu belemiu haha atina' anu ingosoan nu belemiu hi bansa sangga'at.”

EZRA 7:10

I Ezra nongkinyonyoaimo hondo monselidiki Atulan nu Tumpu da otulutimo ahi' ka' nongajanakonmo katantuan iwi-iwi' ka' atulannyo hi bansa Israel.

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

EZRA 8:18

Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

NEHEMIA 8:18

Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NEHEMIA 9:3

Kila-kila tinotolu' na jam na kinopinnyo na kitab Atulan nu Tumpu Allah nu aha binasa'akon hi aha, ka' tinotolu' na jam na kinopinnyo suele na aha nongakui dosa' nu aha iwi-iwi'. Lapas aijo' aha tinolodadupumo nonsombah Tumpu, Tumpu Allah nu aha.

AMSAL 8:6

Palahatikan na potataengku iwi-iwi', kalana iwi-iwi' aijo' madi' sala' ka' mule' ko angga'nyo.

HOSEA 2:14

Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

PO'ULE' INGULIT 33:10

Aha nompotinganmo mian anu pinalesayamo hi Belento da sabole-bole montuluti iwi-iwi' na palentah nu Belento ka' nonsombahkonmo koloban i mezbah nu Belento.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”