2 TAWARIKH 30:21 - KITAB NU TUMPU ALLA LELE MA'IMAI'

²¹ Ingipitun na kinopinnyo na saja' i lame' na to mia-mian anu sinihukmo i Yerusalem nolame'akon Roti anu Madi' ko Raginyo. Sansina-sinaa na to mia-mian nu Lewi ka' to ima-imam mompuji-puji' Tumpu totu-totu'u na kinyonyoa.

2 TAWARIKH 30:21 ပူးပေါင်းရင်းမြစ်များ

2 TAWARIKH 20:21

Noko lapas na binasale' tiba mian da'isan, pinoto'imo i tomundo na to mia-mian anu manyanyi da mompusokmo baju' anu pokakana na buhitnyo anu saja' opusok de ko apa-apaa obau anu samata-mata ulusan nu agama. Mian anu manyanyi haha aijo' tionyo ahi tuminjo mojiji' ima-ima' i ahop nu jiji'an nu suludadu ka' manyanyi, “O puji' na Tumpu! Kalibosannyo sampe toka sidu-sidutu' madi' ko kamingkotannyo!”

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 30:11

Panyo, daagi' ahi' ko to mia-mian aha tulunan nu bansa Asyer, Manasye ka' Zebulon, anu mongka'oho' mamba i Yerusalem.

2 TAWARIKH 30:26

Kota Yerusalem i lame'mo hondo, kalana salatanmo pe'e i Salomo anak i Daud anu momo'ane, ma'isa toho' tinimbali sumo aijo'.

2 TAWARIKH 35:17

Pitunsinaa na kopinnyo na mian da'isan nu aha Israel jojoong i kiijo' molame'akon Paskah ka' lamean nu Roti anu Madi' ko Raginyo.

2 TAWARIKH 7:10

ka' dodo-dodopnyo, i tanggal bitu'on anu ko popitu'nyomo pinokaumo i Salomo na mian haha aijo' da minsusule'mo. Aha i lame'mo hondo kalana iwi-iwi' apaa na anu ma'ima' binaumo nu Tumpu hi bansa Israel mian anu pinalesayamo hi Ia, hi Daud ka' hi Salomo.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

NEHEMIA 8:17

Iwi-iwi' na mian da'isan anu ninsusule'mo mae lengkat i Babel pinomboan aha aijo' nombaumo tahop haha aijo' lantas jinojoongmo i kiijo'. Aiyamo na tampu'nannyo nu lamean aijo' binau salatanmo pe'e i Yosua anak i Nun, sahingga iwi-iwi' sinanangmo ka' nohumpakmo kabilahian i kantumuu'an nu aha.

NOSABATMO 12:15

Tumpu notatae, “Pitun sinaa na kopinnyo, belemiu madi' timbali mongkaan roti anu ko raginyo. I sinaa anu momona iwi-iwi' na ragi anu itina' i laigan nu belemiu tionyo ahi osabatakon, kalana de pitun sinaa na kopinnyo aijo' daagi' ko mian anu mongkaan roti anu ko raginyo, ia madi'mo timbali mian anu osanggohi mian anu pinalesayamo hi beleng-Ku.

NOSABATMO 13:6

Pitun sinaa na kopinnyo belemiu tionyo ahi' mongkaan roti anu madi' ko raginyo, ka' i sinaa ko ipitunnyo tionyo ahi' obaumo na lamean bau pongadati Tumpu.

IMAMAT 23:6

Dodopnyo sinaa tangganmo sampulu' ka' olima', montampu'unimo Molame'akon Roti anu madi' ko Raginyo ka' kopinnyo pitun sinaa aijo' belemiu madi' timbali mongkaan roti anu binau ko raginyo.

LUKAS 2:43

Salatan ilapas na nolamean aijo' aha ninsusule'mo, panyo i Yesus, Anak aijo', daagi' jinojoong i Yerusalem, ka' madi' sinumbu' nu tina tuuma-Nyo.

LUKAS 22:1

Molame'akon Roti Madi' Mompake Ragi, anu osanggohi Paskah, ohanimo.

LUKAS 22:7

Tinokamo na sinaanyo Molame'akonmo Roti Madi' Mompake Ragi, saba' domba anu okaan i Paskah okolotmo.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!