2 TAWARIKH 30:19 - KITAB NU TUMPU ALLA LELE MA'IMAI'

¹⁹ “O Tumpu, Tumpu Allah anu nusombah nu mompolee' mami, otaha'imani mami na kanonongan nu kinyonyoa nu Belento mongampuni aha anu hau-haunyo monsombah belento totu-totu'u na kinyonyoanyo, maumo aha ma'isa nomposusi' butong nu aha.”

2 TAWARIKH 30:19 ပူးပေါင်းရင်းမြစ်များ

KAJADIAN 1:21

Sahingga Tumpu nompotimbalimo to bina-binatang anu toto daka-daka' i ambai, ka' iwi-iwi' na ngahan nu anu konyawanyo i uno nu uee, tiba mule' iwi-iwi' na ngahan nu tomonsi'. Ka' Tumpu sinanangmo na nontoa han aijo'.

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

2 TAWARIKH 19:3

Panyo mau mule' sumo aijo' daagi' ahi' ko anu ma'ima' hi belento Tomundo. Belento Tomundo nongalinimo iwi-iwi' na Patong Pilogot boune Asyera, anu nu sombah nu mian da'isan ka' belento Tomundo mule' nombaumo sa'angu' na usaha da tumuu' mombatuki pongka'oho' nu Tumpu Allah.”

2 TAWARIKH 20:33

Panyo tampat ponsomban pilogot madi' ingideannyo. Mian da'isan suele ma'isa buke-buke' na kinyonyoa nu aha monsombah Tumpu nu mompolee' mae nu aha.

EZRA 6:21

Koloban haha aijo' okaan nu aha Israel iwi-iwi' mian anu minsusule'mo mae lengkat i Babel pinomboan aha ka' mian anu jojoong i lipu' aijo', anu nompala'imo kantumuu'an anu moko baladosa', ka' tinokamo monsombah Tumpu, Tumpu Allah Israel.

EZRA 7:10

I Ezra nongkinyonyoaimo hondo monselidiki Atulan nu Tumpu da otulutimo ahi' ka' nongajanakonmo katantuan iwi-iwi' ka' atulannyo hi bansa Israel.

AYUB 11:13

O Ayub, pobelesimo na kinyonyoa nu beleyum, ka' pompele-pele'mo! Balado'amo hi Tumpu Allah!

MAZMUR 10:17

O, Tumpu Belento nohongomo do'a nu mian anu madi' mingkaliangan na kantumuu'annyo ka' nompohosonmo kinyonyoa nu aha.

AMSAL 23:26

Palahatikan ima-ima', ka' bau sonto'na kantumuu'anku, o'anaku!

IMAMAT 12:4

Daagi' tolumpulu' ka totolu' na sinaa na boune aijo' daagi' sabole-bole mahumimi' kalana daagi' ko homenyo. Ia madi' timbali mongkanyang to bala-balang anu opake monsombah ka' madi' timbali minsoop i Kemah nu Tumpu sampe lapasje oposusi' na ia.

NOMBILANGMO 9:6

Panyo aijo' hi aha daagi' ko mian pa' aha sangkuka anu nahumimi'mo kalana nonsala' kanyangmo anu sinilakamo, sahingga madi'mo timbali molame'akon Paskah i sinaa aijo'. Aha aijo' nambamo nangadap hi Musa ka' hi Harun

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”