2 TAWARIKH 3:1 - KITAB NU TUMPU ALLA LELE MA'IMAI'

¹ I Tomundo Daud nontantukan tukoonyo Laigan nu Tumpu tionyomo ahi' obau i Yerusalem, i Bungkutnyo nu Moria i tampat pongututan gandum anu i Arauna mian nu Yebus. Mombau Laigan nu Tumpu aijo' tinampu'unanmo i Tomundo Salomo.

2 TAWARIKH 3:1 ပူးပေါင်းရင်းမြစ်များ

KAJADIAN 22:14

I Abraham nonsanggohimo tampat aijo', “Tumpu nontoukaimo anu opalalui.” Ka' sampe uuka aiya mian montaloakonmo, “Aita' i bungkutnyo nu Tumpu, Tumpu nontoukaimo anu opalalui.”

KAJADIAN 22:2

Tumpu Allah notatae, “Lako'mo i tano' Moria tiba i Ishak anak nu beleyum anu sa'a-sa'angu'nyomo atina', anu talalo hondo nu kalibosi. Ikiijo' mae, i sa'angu' na bungkutnyo anu Ku potiju'je hi belemiu, osombahkon na anak nu beleyum salaku bau koloban hi belengku anu opapui.”

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

1 TAWARIKH 21:18

Lapas aijo malaikat nu Tumpu nompokaumo i Gad mompotoiakon hi Daud da ia moliba mokita i tampat pongututan gandum i Arauna, mompotinjo mezbah hi Tumpu.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

1 TAWARIKH 6:10

i Azarya (ia mokalaja i Laigan nu Tumpu anu binau i Tomundo' Salomo i Yerusalem),

2 TAWARIKH 3:2

I bitu'on ko ohua'nyo taun ko opatnyomo na ia nompalentah.

SISIKON NU TO RASUL-RASUL 7:47

Panyo i Salomo na nompotinjo laigan bau ponsombaan Tumpu, Allah.