2 TAWARIKH 29:6 - KITAB NU TUMPU ALLA LELE MA'IMAI'

⁶ Mompolee' to madi'mo nontuluti Tumpu Allah-nto ka' aha saja'mo nombau anu madi' momposanang kinyonyoa nu Tumpu. Aha madi'mo nontapali Ia, ka' madi'mo nongadati tampat kajojoongan-Nyo.

2 TAWARIKH 29:6 ပူးပေါင်းရင်းမြစ်များ

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

YEREMIA 2:27

Belemiu saidi' me opopo ambangmo kalana sangkolong na kau' olaga nu belemiu na tuuma, ka' sa'angu' na batu olaga nu belemiu na tina. Belemiu madi' ahi' toka mae hi belengku, panyo ola mule' ahi' mompala'i Aku. Panyo de tokamo na tempo' nu kasusa'an, Akumo ahi' na olaga nu belemiu da tokamae momposalamat belemiu.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

MOHAANGI 5:7

Mompolee' mami binaladosa'mo, uuka aiya aha madi'mo daagi'; panyo kami tionyo ahi', mongoa'imo kasansala'an kalana dosa' nu aha iwi-iwi'.

YEREMIA 44:21

“Te osangka nu belemiu na Tumpu madi' monsumbu' kabai nongkolilimimo sinin na koloban anu sinombahkonmo ikota-kota' Yehuda tiba ijalan-jalan kiijo' i Yerusalem nonsombahkonmo na mompolee' nu belemiu, ka' mule' to tomu-tomundo' tiba to mia-mian anu ko pangkatnyo atina' hi belemiu, ka' mule' mian da'isan ilipu' aiya ka' mule' belemiu suele?

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

NEHEMIA 9:16

Panyo mompolee' mami nindaka-daka'mo ka' mule' pinanggagamo; iwi-iwi' na palentah nu Belento madi'mo pinajulian nu aha.

EZRA 9:7

Daagi' pe'e tempo'nyo mae nu mompolee' mami sampe tempo' uuka aiya, kami mian anu pinalesayamo hi belento binaladosa'mo hi belento. Mokonyo aijo' kami, to tomu-tomundo, ka' to ima-imam mami, pinatundu'mo nu to tomu-tomundo anu i salipu'an. Kami pinateanmo pinahuhuanmo, ka' binoamo salaku mian anu i hakop. Kami talalomo hondo ingambangan, sumomo balu-balu'nyo nu sinaa aiya.

EZRA 5:12

Panyo kalana mompolee' mami nombaumo han anu moko pusa Tumpu Allah anu mongkuasai suluga', sahingga Ia nombee'mo aha hi kakuasa'an i Nebukadnezar, tomundo nu Babel lee' mae nu aha Kasdim. Ingideanyomo na Laigan aijo' ka' binoanyomo na bansa mami i Babel.

2 TAWARIKH 34:21

“Lako' mamba pokilawa hi Tumpu na aku aiya pa' mosia ka' suele pa' mosia na to mia-mian anu daagi' kiijo' i Yerusalem ka' i Yehuda mongkona isi nu kitab aiya. Tumpu nontambuha'imo kita kalana mompolee'to madi'mo nombau iwi-iwi na palentah anu tuli-tulis i kita aiya.”

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

YEREMIA 26:19

Panyo i Tomundo' Hizkia tiba aha mian nu Yehuda madi' nompatei i Mikha. Ola ahi' i Hizkia nabuhukmo hi Tumpu ka' nongkakasemo da okalibosi. Sahingga Tumpu madi'mo nonsidahi niat-Nyo mompateimo aha. Ka' uuka aiya, me ise-ise' kita nompotokamo mae balaa' anu daka' hondo iposi butongto.”

YEHEZKIEL 18:14

Bisuanyo mian anu nanjoo'mo na nombau palabuatan anu ma'idek ko anaknyo, ka' anak aijo' sola'mo nontoa iwi-iwi' na palabuatan nu tuumanyo panyo madi' tinihonyo.

NEHEMIA 9:34

Mompolee' mami, tomundo', imam ka' mule' to tu'a-tu'anyo, nolanggaimo atulan nu Belento ka' madi'mo nontapali. Iwi-iwi' na palentah tiba pokinde' anu binee'mo nu Belento, madi'mo pinajuliannyo ka' madi'mo mule' lewa' pinotombihing.