2 TAWARIKH 29:5 - KITAB NU TUMPU ALLA LELE MA'IMAI'

⁵ ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

2 TAWARIKH 29:5 ပူးပေါင်းရင်းမြစ်များ

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.

2 TAWARIKH 29:34

To ima-imam anu nomposusi'mo butongnyo madi' da'isan na mongkiliti binatang haha aijo'. Kalana aitu aha tinulunganmo nu to mia-mian Lewi, kalana mian nu Lewi na talalo tulu-tulutan hi atulan nu momposusi'. Aha tataap montulungi sampeje sukupmo na imam anu momposusi'mo butongnyo.

2 TAWARIKH 29:4

To ima-imam ka' aha mian nu Lewi pinalentahnyomo da toka mae sihuk i popasan sasu kabete'an Laigan nu Tumpu,

2 TAWARIKH 35:6

Belemiu na tionyo mongkolot domba anu osombahkon i lamean nu Paskah. Mokonyo aitu posadia na butong miu da timbali monsombah Tumpu, ka' posadiamo suele na iwi-iwi na koloban anu osombahkon hi Tumpu, da tiba jalan anu sumo aijo' to mia-mian nu Israel sangga'at timbali moko ala mombau apaa na anu pinalentahkonmo nu Tumpu hi Musa.”

NEHEMIA 12:30

To ima-imam ka' aha to mia-mian nu Lewi haha aijo' nombaumo adat momposusi' butong nu aha lapas aijo' ahamo mian da'isan, ka' mule' iwi-iwi' na sabatan daka' ka' pagan mesen nu kota'.

NEHEMIA 13:9

Lapas aijo' pinokaungkumo da mombau adatnyo momposusi' salipi' haha aijo'. Ilapas na aijo' po'ule'mo sinule'akonku nokiijo' iwi-iwi' na gandum anu sinombahkonmo ka' kamangian ka'to paka-pakakas nu Laigan nu Tumpu.

MAZMUR 93:5

O, Tumpu, atulan nu Belento tataap opake sampe toka sidu-sidutu', Laigan nu Belento sabole-boleh susi' sampe toka sidu-sidutu'.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YEHEZKIEL 8:6

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

YOËL 2:16

Posihukmo mae na iwi-iwi' mian da'isan palentah na mian anu sinihukmo. Pokau mae da toka na to tu'a-tu'anyo, to ana-anak ka' to bunga-bunga mea' suele. Ka' suele to boti-boting anu salaje' inika' tionyo ahi' toka mae. Pokau mae na aha mompala'i Salipi'nyo.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.