2 TAWARIKH 28:9 - KITAB NU TUMPU ALLA LELE MA'IMAI'

⁹ Samian na nabi nu Tumpu sanggonyo i Obed jojoong i kota' Samaria. Tempo'nyo suludadu nu Israel ninsusule'mo mae ka' nomboamo mae aha mian nu Yehuda anu i hakop, i Obed nonsingkabotimo aha salatan aha ninsoopmo i kota'. Ia notatae, “Belemiu nompatundu'mo mian nu Yehuda kalana Tumpu Allah mompolee' nu belemiu nontambuha'imo aha. Panyo Tumpu nohongomo mosia na belemiu nonsansalaimo ka' nompateimo suludadu nu Yehuda haha aijo'.

2 TAWARIKH 28:9 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

KAJADIAN 4:10

Lantas Tumpu notatae, “Kadaka' beleyum nombaumo han anu ma'idek aijo'? Baso' nu utus ise' nu beleyum nolagamo mae aku hoso-hoson lengkat mae i tano', sumomo potatae anu moloboo' momoita da obalosakon.

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

1 TOMU-TOMUNDO' 20:22

Lapas aitu nabi ai-aijo' tinokamo hi Ahab ka' notatae “Uuka aiya, sahanyo kita tuan pinsusule'mo ka' montoukai kahosonan ka' balatanga' ma'i-ma'ima, kalana tomundo' nu Siria po'ule'mo toka mae montumbuhi de pimbuhakanmo mule' nu kau' anu aiya mae o ahopi.”

1 TOMU-TOMUNDO' 20:42

Sahingga notataemo na nabi aijo' hi tomundo', “Aiyamo na anu tinaloakonmo nu Tumpu: 'Mian anu pinalentah-ngKumo da opatei ola pinojohok da malai. Kalana aitu tionyo ahi' beleyum mate da bau pontokong Suludadu nu beleyum timbali mohopu' kalana nompopilayamo suludadu nu sampo bali' nalaimo.’ ”

1 TAWARIKH 21:13

Tinaman i Daud; “Beh! Silakamo na Aku! Panyo'i, de mememule nu hukum nu Tumpu anu daka na liibos-Nyo.”

2 TAWARIKH 28:5

Kalana i Tomundo Ahas binaladosa'mo, Tumpu Allah-nyo nompojohokmo ia da pinatundu' nu tomundo Siria anu suele nomboamo mian nu Yehuda manjoo' hondo salaku mian anu i hakop ka' binoa i Damsyik. Tumpu mule' nompojohokmo ia da pinatundu' i Tomundo Pekah anak i Remalya mian nu Israel, anu nompateimo sinansinaa aha 120.000 na suludadu nu aha Yehuda anu toto babaani. Tumpu Allah mompolee' nu aha nompojohokmo iwi-iwi' aijo' da jinadi kalana mian da'isan nu aha Yehuda madi'mo nontapali Tumpu.

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

MAZMUR 69:26

Bakas da bakema'an nu aha liingmo hondo-hondo, da iwi-iwi' na kema' nu aha madi'mo ko anu monjojoongi.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YUNUS 1:2

Koonyo nu Tumpu, “Lako mamba i Ninewe kota' anu daka aijo', ka' otambuha'i kalana Kusumbu' mian anu jojoong ikiijo' talalomo hondo na'idek.”

ZAKHARIA 1:15

Panyo Aku talalomo hondo notambuha' hi aha to bansa-bansa haha aijo' anu nongoa'imo aman hondo. Kalana salatan Aku nongintimo tambuha'-Ku hi aha mian anu palesayamo hi beleng-Ku, bansa haha aijo' nompaka bee'i mule'kasansala'an hi aha mian anu palesayamo hi beleng-Ku.

ANU PINOTO'I HI YOHANES 18:5

Kalana dosa'nyo notambunmo sinawe'mo i langit, ka' Tumpu madi'mo mongkolilimi ka'idekannyo nu aha.

TO MIA-MIAN KOPIAN 3:8

Sahingga Tumpu nontambuha'imo aha mian nu Israel, ka' nompojohokmo aha pinatundu' i Tomundo Kusyan-Risyataim anu nolengkat mae i Mesopotamia. Ualu' na taun na kinopinnyo na tomundo aijo' nompalentah aha.