2 TAWARIKH 28:8 - KITAB NU TUMPU ALLA LELE MA'IMAI'

⁸ Maumo to mia-mian nu Yehuda sa'a-sa'angu'mo na bansa tiba bansa Israel, panyo suludadu nu Israel nohakopmo aha 200.000 na to bou-boune ka' to ana-anak, ka' binoamo nu aha i Samaria tiba balang manjoo' hondo na anu pinahuhuakonmo nu aha.

2 TAWARIKH 28:8 ပူးပေါင်းရင်းမြစ်များ

2 TOMU-TOMUNDO' 6:22

Tinaaman i Elisa, “Boli. Sadang suludadu anu i hakop mae nu belento Tomundo' namba nahampate madi' pinatean nu belento Tomundo', sumo aitu suele na aiya. Bee'i mongkaan ka' monginum na aha, lantas pobee'mo na aha minsusule' hi tomundo' nu aha.”

2 TAWARIKH 11:4

“Boli mompahampateakon to utu-utus nu belemiu mian nu Israel. Pinsusule'mo! Apaa na anu jinadimo aijo' memang kahanda'-Kumo.” Jadi tinulutanmo nu aha na palentah nu Tumpu, ka' madi'mo sinida na namba nompahampateakon i Yerobeam.

2 TAWARIKH 28:11

Potombihing mae! To mia-mian anu i hakopmo mae aiya, to utu-utus nu belemiu. Jadi saimo na aha minsusule'. De madi' nutambuha'imo nu Tumpu ka' nu hukumo na belemiu.”

2 TAWARIKH 28:7

Anak i Ahas momo'ane sanggonyo i Maaseya pinateanmo i Zikri suludadu nu Israel anu matangkas na pangkatnyo. I Zikri mule' nompateimo i Azrikam anu mongulus laigan nu tomundo tiba i Elkana wakin i tomundo'.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 7:26

Dodododopnyo ia nontoa mule' ua'aha na mian nu Israel mahantuda', lantas ia binala usaha nompodame aha. Ia notatae, ‘Komiu aiya moto utus. Kadaka' komiu mahantuda'?’

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:41

Belemiu mohumpak to ana-anak mo'ane ka' to bou-boune panyo aha singkaap o hakop de mahampatemo, sahingga madi'mo ko ahanyo hi belemiu.