2 TAWARIKH 28:5 - KITAB NU TUMPU ALLA LELE MA'IMAI'

^5-6 Kalana i Tomundo Ahas binaladosa'mo, Tumpu Allah-nyo nompojohokmo ia da pinatundu' nu tomundo Siria anu suele nomboamo mian nu Yehuda manjoo' hondo salaku mian anu i hakop ka' binoa i Damsyik. Tumpu mule' nompojohokmo ia da pinatundu' i Tomundo Pekah anak i Remalya mian nu Israel, anu nompateimo sinansinaa aha 120.000 na suludadu nu aha Yehuda anu toto babaani. Tumpu Allah mompolee' nu aha nompojohokmo iwi-iwi' aijo' da jinadi kalana mian da'isan nu aha Yehuda madi'mo nontapali Tumpu.

2 TAWARIKH 28:5 ပူးပေါင်းရင်းမြစ်များ

2 TAWARIKH 24:24

Suludadu nu Siria madi' manjoo', panyo pinojohokmo nu Tumpu na aha da mompatundu' suludadu nu Yehuda anu lebe manjoo' aijo', kalana mian nu Yehuda madi'mo nompajuli Tumpu Allah mompolee' nu aha. Tiba jalan anu sumo aijo' na Tumpu nohukum i Tomundo Yoas.

2 TAWARIKH 29:9

To tu'a-tu'anyonto sinilakamo tempo'nyo nahampate ka' to ana-anak tiba bengkele'to binoamo salaku mian anu i ahop.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

2 TAWARIKH 36:5

I Yoyakim umunnyo 25 mo na taun tempo'nyo ia tinimbalimo tomundo nu Yehuda, ka' ia nompalentahmo Yerusalem 11 na taun na kinopinnyo. Ia binaladosa'mo hi Tumpu Allah-nyo.

YESAYA 7:1

I Tomundo' Ahas anak mo'ane i Yotam makumpu i Uzia. Tempo'nyo ia nompalentah Yehuda, jinadimo na pahampatean. I Rezin tomundo' nu aha Siria nahangewamo i Pekah anak mo'ane i Remalya tomundo' nu aha Israel tinokamo mae nontumbuhi Yerusalem. Panyo madi' pinoko alanyo na kota' aijo'.

YESAYA 7:6

Aha mongka oho'mo motumbuhi Yehuda ka' lewa'mo nonggala-gala miannyo da aha mosa'angu'mo hi aha Siria tiba Israel lantas mohangkatmo anak momo'ane i Tabeel da timbali tomundo'.

YEHEZKIEL 16:57

Ka' palabuatan ma'idek anu binaumo nu beleyum ma'isa sinumbu'? Uuka aiya beleyum pinokakanamo ahi' tiba ia; beleyum tinimbalimo sisik anu sola' okokojoi nu mian Edom, nu mian Filistin, tiba anu mompaha ohani beleyum sangga'at mongkaddeki beleyum.