2 TAWARIKH 28:4 - KITAB NU TUMPU ALLA LELE MA'IMAI'

⁴ I Ahas nonsombahkonmo koloban ka' nompapui kamangian i tampat anu lewa' ponsombaan pilogot aita' mae i to bungku-bungkutnyo ka' i patu nu to kau-kau' anu toto' tambo-tambok na honnyo.

2 TAWARIKH 28:4 ပူးပေါင်းရင်းမြစ်များ

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

2 TAWARIKH 28:19

Kalana tomundo nu Yehuda i Ahas nohikumo Tumpu, ka' madi'mo nompalentah mian da'isan susumo anu pantas ahi' nu bau, sahingga Tumpu nompotokamo mae kakuasa'an i Yehuda.

2 TAWARIKH 28:25

I batu-batu kota' ka kampung toto ise-ise' hi aha Yehuda ia nombaumo tampat anu lewa' ponsomban pilogot ka' pompapuian kamangian anu osombahkon hi to pilo-pilogot nu bansa sangga'at. Kalana ia nombaumo anu sumo aijo', sahingga Tumpu, Tumpu Allah nu mompolee'nyo nontambuha'imo ia.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?