2 TAWARIKH 28:25 - KITAB NU TUMPU ALLA LELE MA'IMAI'

²⁵ I batu-batu kota' ka kampung toto ise-ise' hi aha Yehuda ia nombaumo tampat anu lewa' ponsomban pilogot ka' pompapuian kamangian anu osombahkon hi to pilo-pilogot nu bansa sangga'at. Kalana ia nombaumo anu sumo aijo', sahingga Tumpu, Tumpu Allah nu mompolee'nyo nontambuha'imo ia.

2 TAWARIKH 28:25 ပူးပေါင်းရင်းမြစ်များ

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

2 TAWARIKH 28:4

I Ahas nonsombahkonmo koloban ka' nompapui kamangian i tampat anu lewa' ponsombaan pilogot aita' mae i to bungku-bungkutnyo ka' i patu nu to kau-kau' anu toto' tambo-tambok na honnyo.

2 TAWARIKH 28:24

Lantas ingalanyomo na pakakas iwi-iwi' i Laigan nu Tumpu ka' ingideannyomo. Lantas tinumbannyomo na Laigan nu Tumpu, ka' ia nombau to mezbah-mezbah i songko-songko na Yerusalem.

2 TAWARIKH 28:26

Sisikon sangga'at mongkona mosia na ia nompalentah ka' iwi-iwi' na anu binaunyomo lengkat pe'e mae momonanyo sampe ia madi'mo nompalentah tinulismo i kitab Sisikon nu to Tomu-tomundo Yehuda ka' Israel.

2 TOMU-TOMUNDO' 22:17

Aha nohikumo Aku ka' nonsombahkonmo koloban hi pilogot sangga'at. Iwi-iwi' na anu binaumo nu aha nonsungkelekmo kinyonyoang-Ku sahingga Aku pinusamo. Aku nontambuha'imo Yerusalem, ka' tanbuha'ku aiya madi'mo ku poko sabanakon.

YESAYA 14:28

Sumo uuka na potuunon anu binebakonmo itaun kikinasilakaanmo i Tomundo' Ahas.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEHEZKIEL 16:24

Ka' mule' itampat-tampat anu loas na tano'nyo uno nu kota' ka' i sohipi nu jalan beleyum nombaumo ponsomban pilogot ka' sola' masala' itampat aijo'.